SC Ne Sahaara Ko Fatkaar Lagaai, Hafte Bhar Mein Javaab Dein

Business »

SC Ne Sahaara Ko Fatkaar Lagaai, Hafte Bhar Mein Javaab Dein

Nai Delhi. . Sahaara group ke promoter subrat Roy ko Supreme court ki or se tagada jhatka laga hai. Supreme court mein SEBI ki or se daakhil ki gayi avamaanana ki arji par somvaar ko hui sunavaai mein sahaara ko aadesh diya hai ki vah niveshakon ki sahi soochi jama karavaae naheen to saara paisa sarkaar ko jama karavaana hoga. Sahaara ki 2 companiyon ko 3 karod niveshakon ka paisa lautaana hai. Court ne sahaara ko ek hafte ka samay diya hai. Court ne sahaara samooh se kaha ki vah court ke saath chaalabaaji kar rahe hain. Yahaan bata dein ki SEBI ne court mein daakhil ki gayi arji mein subrat Roy ki giftaari ki maang ki thi. Ab maamale ki agali sunavaai 2 May ko honi hai. Gaurtalab hai ki samooh ki do companiyon ke niveshakon ka kareeb 24,000 karod rupae vaapas karne ke maamale mein unki vyaktigat aur company ki sampattiyon ki neelaami ka khatra paida ho gaya hai. Roy ko is maamale mein haal hi mein Mumbai mein SEBI ke mukhyaalaya par talab kiya gaya tha. Court mein daakhil arji mein SEBI ne sahaara par desh chhodkar jaane ki rok lagaane ki bhi maang ki hai. . Kya hai poora maamala sahaara group kai tarah ke bijnas mein laga hai, jismein manoranjan se lekar jameen-jaayadaad ke divelapameint aur vitteeya sevaaon se lekar hotel tak ke kaarobaar shaamil hain. Roy ne kaha tha ki bhaarateeya pratibhooti evam vinimay board (SEBI) ki kaarravaai ke chalte unki baaki companiyon ke kaarobaar par asar pad raha hai. SEBI ne Roy aur unke teen sahayogiyon ko unki aur sahaara samooh ki do companiyon - esaaaiaaraiseeel aur esaechaseeaaiel - ki sampattiyon ki pushti ke liye bulaaya tha, taaki is sampattiyon ki neelaami ke jariye dhan jutaakar niveshakon ka paisa lautaaya ja sake. SEBI ka aarop hai ki esaaaiaaraiseeel aur esaechaseeaaiel ne baundadhaarakon se 6,380 karod rupaye aur 19,400 karod rupae jutaae the, lekin dhan jutaane ke liye kai tarah ki aniymitaataaen ki gain. Supreme court ne in companiyon ke teen karod se adhik baundadhaarakon ka paisa lautaane ka aadesh day rakha hai aur niveshakon ka satyaapan karte huye paisa lautavaane ka kaam SEBI ko diya gaya hai. Apni baat par kaayam Roy ka daava hai ki reserve bank aur SEBI ke kuchh adhikaari niji khunnas ke kaaran unke group ko nishaana banaaye hue hain. Unhonne kaha ki pichhle do saalon mein unka 60 feesadi samay SEBI se ladne mein jaaya huaa, jabki usaka sadupayog rachanaatmak kaam mein ho sakta tha. Unhonne kaha, 'Is kaaran hamein bahut nuksaan huaa hai. ' yah poochhe jaane par ki kya vah prataadit mahasoos kar rahe hain, unhonne kaha, 'Nishchit taur par hamein prataadit kiya ja raha hai. SEBI hamein bina vajah hi nishaane par rakhe hue hai.

SC Ne Sahaara Ko Fatkaar Lagaai, Hafte Bhar Mein Javaab Dein https://www.angrejinews.com/pic/6399