Rupaya Shuruaati Kaarobaar Mein Dollar Ke Mukaabale 20 Paise Majaboot

Business »

Rupaya Shuruaati Kaarobaar Mein Dollar Ke Mukaabale 20 Paise Majaboot

Mumbai , 15 March (bhaasha) ghareloo share baajaaron mein shuruaati badhat aur videshi poonji ke nirantar nivesh se rupaya shukravaar ko shuruaati kaarobaar mein ameriki mudra ke mukaabale 20 paise chadhkar 69.14 rupaye prati dollar par pahunch gaya. mudra deelaron ne kaha ki niryaatakon ke ameriki mudra ki bikvaali aur ghareloo share baajaaron mein tej rukh se rupaye ko samarthan mila. videshi poonji ke nirantar nivesh se bhi rupaye ko oopar jaane mein madad mili. rupaya bruhaspativaar ko 20 paise badhkar 69.34 rupaye prati dollar par band hua tha. share baajaaron ke paas maujood asthaayi aankadon ke mutaabik , videshi sansthaagat niveshak (FII) bruhaspativaar ko 1,482.99 karod rupaye ke shuddh livaal rahe. is beech , Mumbai share baajaar ka Sensex shuruaati kaarobaar mein 148.89 ank yaani 0.39 pratishat ki badhat ke saath 37,903.78 ank par pahunch gaya. National stock exchange ka Nifty 31.20 ank yaani 0.28 pratishat chadhkar 11,374.45 ank par pahunch gaya.

Rupaya Shuruaati Kaarobaar Mein Dollar Ke Mukaabale 20 Paise Majaboot https://www.angrejinews.com/pic/261310