Royal Challengers Bengaluru Ne Super Over Mein Delhi Deyar Devils Ko Haraaya

Cricket » Tuesday, April 16, 2013

Bengaluru. . Royal Challengers Bengaluru aur Delhi deyar devils ke beech khele gaye romaanchak match mein aaraseebi ne Delhi par shaanadaar jeet darj ki. Match ka faisala super over me huaa. Is season mein Delhi ki yah lagaataar paanchavi haar hai, jabki aaraseebi is jeech ke saath pauints table mein top par pahunch gayi hai. Skorakaard: Royal Challengers Bengaluru Vs Delhi deyar devils aakhir mein score hue baraabar 153 ranon ke taaraget ka peechha karte hue Bengaluru ke kaptaan viraat Kohli ne shaanadaar 65 ranon ki paari kheli. Haalaanki, kris Gale ne is match mein do chhakke jaroor lagaae, lekin vah apna jalwa dikhaane mein naakaam rahe. Maurkel ki geind par Gale (13) ko Umesh Yadav ne catch out kiya. Bengaluru ki taraf se lokesh Rahul ne 12 aur AB DeVilliers 39 run banaae. Match antim over tak khincha aur aakhir mein score leval ho gaye. In haalaat mein faisala super over mein huaa. Super over ka romaanch super over mein royal Challengers Bengaluru ne kris Gale ke 2 aur AB DeVilliers ke 13 ranon ki madad se 15 run banaae. Delhi ki taraf se super over mein Umesh Yadav ne boling ki. Ab jeet ke liye Delhi deyar devils ko 16 run banaane the. Aaraseebi ki taraf se ravi raamapaul boling ne boling ki. Unki pehli baul par David Warner ko pavilion lautana pada. Unki doosari geind par Irfan pathaan ne baaundri lagaai. Agali baul par koi run naheen bana. Iske baad chauthi baul par ek chhakka laga aur paanchaveen baul par sirf singal liya gaya. Ab Delhi ko jeet ke liye aakhiri baul par ek chhakke ki jaroorat thi, lekin raamapaul ne is baul par wicket haasil kar liya. Is tarah se match aaraseebi ki jholi mein chala gaya. Bada taaraget naheen day paai Delhi isse pehle, Bengaluru ke kaptaan viraat Kohli ne toss jeetkar Delhi ko pehle batting karne ke liye bulaaya. Delhi ke baitsamain achhe staart ko badi paari mein naheen badal paae. Paari ke ant mein kedaar jaadhav (not-out 29) aur Irfan pathaan (not-out 19) ke taabadtod batting ki madad se Delhi Bengaluru ko 153 run ka taaraget dene mein safal rahi. Chinnaasvaami stadium mein khele gaye match mein donon teemon ne chaar-chaar pesaron ko pleing eleven mein shaamil kiya aur ek-ek spinner ko maidaan par utaara. Naheen utha paae achhi shuruaat ka faayda David Warner aur Virendra Sehwag ki opening jodi ne Delhi ko achhi shuruaat dilaai. Is dauraan Sehwag ne aakraamak ravaiya apnaaya, jabki Warner sangharsh karte dikhe. Vinaya Kumar ne paanchavein over ki chauthi geind par Warner ko catch out karke Delhi ko pehla jhatka 43 run par diya. Isi score par chhathe over ki pehli geind par maikadonald ne Kohli ke haathon veeroo ko out kara diya. Manpreet juneja (17) aur mahela jayavarddhane (28) ne paari ko sambhaalne ki koshish ki. Juneja unaadakat ki geind par out ho gaye, jabki mahela ranaaaut hue. Ben roharar (14) bhi koi kamaal naheen kar sake. Magar ant ke 2 overon mein Irfan aur jaadhav ne not-out 30 run ki saajhedaari ki. Jaadhav ne 16 geindon mein do chauke aur ek chhakka lagaae jabki pathaan ne aath geindon ka saamana karke do chauke aur ek chhakka lagaaya.