Roos Mein Aspataal Mein Aag Lagne Se 38 Logon Ki Maut

World »

Roos Mein Aspataal Mein Aag Lagne Se 38 Logon Ki Maut

Moscow. . Roos ke Moscow kshetr mein shukravaar subah ek manochikitsa aspataal mein aag lag jaane par kam se kam 38 logon ki maut ho gayi. Mrutakon mein jyaadaatar rogi hain. Roosi samaachaar agency RIA novosti ne police adhikaariyon ke havaale se bataaya ki raamenaskoya basti mein sthit ek manjila aspataal mein sthaaneeya samay ke mutaabik tadke teen baje aag lagi. Svaasthya mantraalaya ke pravakta oleg saalaage ke havaale se samaachaar agency ne bataaya ki shuruaati report ke mutaabik do chikitsaakarmiyon sahit 38 logon ki maut ho gayi. Unhonne bataaya ki teen log jeevit bache hain. Ek medical nurse ne do rogiyon ko aag ki lapaton mein ghiri imaarat se baahar nikaala. Unhonne bataaya ki ghatna ke vakt ek manjila is imaarat mein 41 logon ke maujood hone ki baat kahi ja rahi hai. Agency ne police ke havaale se bataaya ki jyaadaatar rogiyaane ki maut dam ghutne se hui. Baharahaal, abhi tak 12 shav baraamad hue hain, jo poori tarah se jhulas chuke hain.

Roos Mein Aspataal Mein Aag Lagne Se 38 Logon Ki Maut https://www.angrejinews.com/pic/6851