Rohtak Mein Aashram Par Tanaav Barkaraar, Sant Rampal Par Case

Breaking »

Rohtak Mein Aashram Par Tanaav Barkaraar, Sant Rampal Par Case

Rohtak. . Rohtak mein sant Rampal das ke satalok aashram par kabje ko lekar ravivaar ko hui hinsa ke baad somvaar ko bhi haalaat tanaavapoorn rahe. Rohtak-jhajjar enaech par traffic ruka raha, jisse police ko gaadiyon ko doosari sadkon par modna pada. Jin jagahon mein tanaav bana hai, vahaan shaanti banaae rakhane ke liye 500 CRPF javaanon ke alaava police fors ko bhi tainaat kiya gaya hai. Ravivaar ko police aur pradarshanakaariyon ke beech jhadap mein teen ki maut ho gayi thi, jabki 100 se jyaada ghaayal ho gaye the. Police ne is maamale mein sant Rampal ke khilaaf hatya ka case darj kar liya hai. Rohtak aaijeepi anil Rao ne bataaya, 'Sthiti tanaavapoorn lekin niyantran mein hai. Mudde ke samaadhaan ke liye prayaas kiye ja rahe hain. Deejeepi khud haalaat par najar rakhe hue hain. ' mukhyamantri ne ravivaar ko hui hinsa ki jaanch atirikt jila maijistret se karaane ke aadesh diye hain aur maare gaye ek vyakti ke parijan ko 10 lakh rupaye dene ki ghoshana ki hai. Satalok aashram par kabje ko lekar maamale ne kal us samay hinsak roop le liya tha, jab police ne aarya pratinidhi sabha ke kaaryakartaaon ko aashram ki taraf jaane se roka.

Rohtak Mein Aashram Par Tanaav Barkaraar, Sant Rampal Par Case https://www.angrejinews.com/pic/8468