Rock Garden Ka Vistaar Naheen Par Sanvarega

India »

Rock Garden Ka Vistaar Naheen Par Sanvarega

pramukh samvaadadaata . Chandigarh duniyaabhar mein mashahoor rock garden ka bhavishya mein vistaar naheen hoga balki iske maujooda svaroop ko chhede bina ise sanrakshit kiya jaaega. Yah sifaarish yooti master plaan committee ne ki hai. Committee ka maanana hai ki is tourist spot ke maujooda svaroop ko barkaraar rakhana jaroori hai aur iska ab vistaar naheen kiya jaana chaahiye. Committee ka kehna hai ki rock garden inoveshan ka ek adbhut aur behatareen namoona hai. Ullekhaneeya hai ki aartist nekachand ki parikalpana ka sansaar rock garden duniyaabhar mein mashahoor hai. Yahaan bekaar aur istemaal na kiye jaane yogya cheejon jaise taails, choodiyaan, kaanch, plastic aadi se khoobsoorat aakrutiyaan banaai gayi hain, ise dekhte hi log hairat mein pad jaate hain. Jo koi bhi tourist Chandigarh aata hai vah sabse pehle rock garden ghoomana pasand karta hai. Pehle iska vistaar bhi huaa hai aur is samay yahaan teen phase hain. Pehla aur doosra phase poori tarah original hai aur yah bekaar vastuon se nekachand ki dekharekh mein banaaya gaya hai jabki teesare phase ko Chandigarh prashaasan ne divelap kiya hai. Jahaan pehle aur doosare phase mein sankari aartifishiyl pahaadiyon aur gufaaon ke beech chhoti-chhoti sundar aakrutiyon waali duniya basi hui hai vaheen teesare face mein open air theatre aur maidaan hai. Poora rock garden hare-bhare pedon ke beech jangalanuma ilaake mein divelap huaa tha. Bagal mein haalaanki Punjab end Haryana High Court hai lekin usaki bheedbhaad aur gaadiyon ka shor rock garden ke andar pata bhi naheen chalta. Master plaan committee rock garden ki isi vishishtata ko barkaraar rakhane ki pakshadhar hai. Master plaan committee ke meinbaron ne draft master plaan mein rock garden se sate lek club mein bhi kisi tarah ke androoni aur baahari badlaav na karne ki bhi sifaarish ki hai. Isko iske mool svaroop mein hi rakhane ki baat kahi gayi hai. Iske alaava sector 1 mein raajindar park mein original land skeping ka kaam poora kiye jaane aur yahaan se security bairak hataane ki bhi bhi sifaarish ki gayi hai. Isi tarah ek anya khoobsoorat tourist spot leyar valley ke bhi management plaan banaakar iska rakharakhaav karne par bal diya gaya hai. Committee ne apne draft plaan mein shahar ke open area ko green city ke original plaan ki jaan bataate hue ismein kisi bhi tarah ke badlaav na karne ki sifaarish ki hai.

Rock Garden Ka Vistaar Naheen Par Sanvarega https://www.angrejinews.com/pic/4930