Rishton Mein Bhaavanaatmak Santushti Behad Aham Chitrangadha Singh

Breaking »

Rishton Mein Bhaavanaatmak Santushti Behad Aham  Chitrangadha Singh

Mumbai: Golf khilaadi jyoti Singh randhaava ki jeevan sangini abhinetri Chitrangadha Singh bataati hain ki unke liye rishton mein bhaavanaatmak santushti behad aham hai. Theek kuchh aisi hi baat unki aane waali film 'I, mi aur main' mein unki kirdaar Anushka ke saath hai. Unhonne ek mulaakaat mein bataaya, Anushka bilkul mujhse milti-julati hai. Pehli baar nirdeshak bane Kapil sharma ne jab mujhe script sunaai to unhonne kaha ki tum Anushka ko apne se bilkul milti-julati samajho. Main tumhein baahari taur par jaanta hoon ki tum behad shaant aur gambhir ho. 1 March ko release hone waali is film mein John Abraham aur praachi Desai ki bhi adaakaari hai. Chitrangadha bataati hain ki John ne is film mein khudagarj insaan ki bhoomika nibhaai hai. Unka kirdaar bahut aakarshak hai. Unhonne kaha, yah bahut hi aakarshak kirdaar hai. Vah ek sanaki hai, lekin bahut pyaara sanaki. Vah yah naheen jaanta ki vah kitna neech aur svaarthi hai. Vah jo kuchh kar raha hai usaka use ehsaas bhi naheen hai. Film ke producer bhi khud John Abraham hain. Producer John Abraham ke baare mein Chitrangadha bataati hain, kabhi-kabhi ve bahut sanjeeda ho jaate hain. Set par bhi ve film, myoojik aur maarketing mein behad mashagool dikhaai dete the. Unhonne kaha, ve ab pakke producer ban chuke hain. Isliye ve saari baaton ko samajhte hain aur poori jimmadaari uthaate hain. Set par khoob maja aaya. Ve ek seedhe vyakti hain.

Rishton Mein Bhaavanaatmak Santushti Behad Aham Chitrangadha Singh https://www.angrejinews.com/pic/2253