Rishte Nibhaana Chaahata Hai Maaladeev

India »

Rishte Nibhaana Chaahata Hai Maaladeev

vishesh pratinidhi . Nai Delhi maaladeev ke ghareloo raajaneetik ghatnaakram ki vajah se Bhaarat ke saath paida tanaavon ko door karne ka sanket dete hue maaladeev ne apne raksha mantri ko Bhaarat bhejkar Bhaarat ke saath raksha sambandh pehle ki tarah barkaraar rakhane ka bharosa dilaaya hai. Ullekhaneeya hai ki maaladeev ke raksha mantri mohammad najeem ne pichhle December maheene mein hi cheen ka daura kar raksha sahaayata samjhauta kiya hai. Arab saagar mein saamarik taur par mahatvapoorn maaladeev ke raksha mantri ke Bhaarat daure mein jordaar agavaani karte hue laal kaaleen bichhaae gaye aur unke saath baatcheet ke liye raksha mantri A ke Antony ke saath Bhaarat ke videsh aur raksha mantraalayon ke aala adhikaari maujood the. Is baithak ke baad muhammad najeem ne teenon senaaon ke senaadhyakshon ke pramukh air cheef maarshal N A ke brown aur teenon senaaon ke vaais cheef se mulaakaat ki. Apne chaar dinon ke Bhaarat daure mein muhammad najeem Bhaarat ke vibhinn sainya sansthaanon ka bhi daura kareinge. Donon deshone ke raksha mantriyon ki baithak mein Bhaarat ki or se raksha sachiv , maale mein Bhaarat ke haai commissioner aur teenon senaaon ke aala adhikaari maujood the. Is baithak ke dauraan donon pakshon ne maana ki donon deshon ke beech raksha sahayog pichhle saalon se kaafi badha hai aur isse donon deshon ko faayda huaa hai. Entoni ne is baithak mein kaha ki nikat ke padosi hone ke naate donon deshon ke beech raksha sahayog aur majaboot karne ki bhaari gunjaaish hai. Is dauraan maaladeev ke sainikon ko Bhaarat mein training aur maaladeev mein sainya dhaanchaagat suvidhaaon ko badhaane ke masale par charcha ki gayi. Donon paksh is baat se bhi sahamat hue ki donon deshon ki suraksha chintaaain samaan hain isliye kshetreeya shaanti aur sthirta ki khaatir donon ko aapasi sahayog aur badhaane ki aur gunjaaish hai.

Rishte Nibhaana Chaahata Hai Maaladeev https://www.angrejinews.com/pic/5685