Rishte Majaboot Karne Germany Pahunche CM

World »

Rishte Majaboot Karne Germany Pahunche CM

Barlin. . Germany se rishton ko aur majaboot banaane ke maksad se pradhaanamantri Manmohan Singh is desh ki teen divseeya yaatra par Budhvaar ko yahaan pahunche. Is yaatra ka mukhya uddeshya kaarobaari sambandhon ko jyaada majaboot karna hai. PM ke saath videsh mantri Salman khursheed, Akshay oorja mantri faarookh abdulla, maanav sansaadhan vikaas mantri M. M. Pallam raajoo aur science aur teknaulaji mantri S. Jayapaal Reddy bhi pahunche hain. Vaanijya aur udyog mantri aanand sharma jineeva se pehle hi yahaan pahunch chuke hain. PM ne yaatra par ravaana hone se pehle nai Delhi mein kaha ki unka maksad vyaapaar sambandhon ko majaboot karna hai kyonki ghareloo nivesh ko badhaava dene, videshi poonji ko aakashirt karne aur arthavyavastha ko deerghakaalik aath feesadi vikaas ke raaste par vaapas laane ke liye Bhaarat kadam utha raha hai. Unhonne kaha ki buniyaadi dhaancha, nirmaan, vigyaan aur praudyogiki, uchch shiksha, vyaavasaayik prashikshan aur svachh aur Akshay oorja jaise kshetron mein Germany Bhaarat ka aham saajhedaar hai. PM ne kaha, hamein ummeed hai ki in kshetron mein ham kai saare samjhaute aur samjhauta jnyaaapanon par dastakhat kareinge. Mera iraada Germany ke saath vyaapaar aur nivesh sambandhon ko badhaana hai. Gaurtalab hai ki vyaapaar, nivesh aur praudyogiki maamalo mein Europe mein Germany Bhaarat ka sabse bada aathirk saajhedaar hai. 2011 mein Bhaarat Germany dwipaksheeya vyaapaar mein 18.4 feesadi ki badhotri darj ki gayi aur yah 18.37 arab Euro tak ja pahuncha hai. Haalaanki vaishvik aathirk mandi ke kaaran pichhle saal ismein 5.5 feesadi ki giraavat dekhi gayi. PM apni baatcheet mein jarman netrutv ko unki sarkaar dvaara nivesh ke maahaul ko behtar banaane aur niveshakon ke liye aakarshak gantavya banaane ke liye badi sankhya mein uthaae gaye kadamon ke baare mein bataaenge.

Rishte Majaboot Karne Germany Pahunche CM https://www.angrejinews.com/pic/5115