Rider Ki Haalat Mein Sudhaar, Do Par Aarop Tay

Cricket »

Rider Ki Haalat Mein Sudhaar, Do Par Aarop Tay

Velingatan. . New jeelaind ke cricketer JC rider ki haalat mein kuchh sudhaar huaa jisse unke parivaar ki ummeedein bandhi hai. Is beech is ballebaaj ko buri tarah peetane ke aarop mein police ne do vyaktiyon par aarop tay kiye hain. Rider par guruvaar tadke kraaistacharch mein ek baar ke baahar hamla kiya gaya tha. Unke sir mein chot aayi hai. Unhein gambhir haalat mein aspataal mein bhateer karaaya gaya tha, jahaan vah coma mein chale gaye the. Unke manager Aaron kaili ne kaha ki shukravaar ko rider ki haalat mein kuchh sudhaar dekha gaya jisse unke parivaar ki ummeedein bandhi hain. Rider ko ab bhi ICU mein rakha gaya hai. Fefade mein chot ke kaaran unhein saans lene mein pareshaani ho rahi hai jabki unke sir ki chot kitni gahari hai iska pata kiya jaana abhi baaki hai. Unki maan Heather aur unki garlafreind eli ne duniya bhar ke logon ka sahaanubhooti dikhaane aur rider par hamle ke doshi vyaktiyon ko giraftaar karne ke liye police ka aabhaar vyakt kiya hai. Unhonne yahaan jaari bayaan mein kaha, 'JC ko jab pata chalega ki duniya bhar ke cricket premiyon aur khilaadiyon ne unke svasth hone ke liye duaa ki thi to unhein bahut khushi hogi. Pichhle 24 ghanton mein humne dheron online sandesh padhe hain aur ham unhein JC ke liye rakheinge taaki svasth hone par vah unhein padh paae. ' police ne kaha ki usane hamle ke liye 20 varsheeya vyakti aur uske 37 varsheeya rishtedaar par aarop tay kiye hain aur unhein agale guruvaar ko adaalat mein haajir kiya jaaega. Police ne kaha ki rider jab baar se baahar nikle to do ya teen logon ne un par hamla kiya tatha jab vah sadak ke doosari taraf fast food restraunt ki car parking mein ja rahe the tab un par fir se hamla kiya gaya. Rider ka elkohaul se judi ghatnaaon se puraana naata raha hai tatha hamle se pehle bhi unhonne sharaab pi thi lekin police ne kaha ki ghatna ka kaaran elkohaul naheen tha. Ghatnaasthal ke CCTV footage mein dikhaaya gaya hai 28 varsheeya rider kathit hamlaavar se haath mila rahe the jiske baad jhagada shuroo huaa. Baar ke maalik Steve homs ne footage ki sameeksha ke baad feyarafaiks media se kaha ki hamla poori tarah se apratyaashit tha. Homs ne kaha ki rider kaintarabari mein satr ke aakhiri match mein haar ke baad velingatan team ke apne saathiyon ke saath sharaab pi rahe the. Tab ek hamlaavar ne unhein bulaaya to vah baar chhodkar chale gaye the. Unhonne kaha ki rider us vyakti se baat karne ke liye vaapas aae. Iske baad donon mein baatcheet hui aur unhonne haath milaae. Homs ne kaha ki kuchh der baad donon ki bhaav-bhangimaaen badal gain. Rider baar se baahar chale gaye aur vah vyakti bhi unke peechhe-peechhe chala gaya. Hamle ke gavaah Reagan haarve ne police ko diye gaye bayaan mein kaha ki unhein lagta hai ki rider ko bina kisi kaaran ke nishaana banaaya gaya. Unhonne kaha, 'JC jhagada naheen karna chaahata tha. ' haarve tab baar mein the jab jhagada shuroo huaa. Unhonne kaha, 'Jab main vahaan pahuncha to do ladke ek vyakti ko peet rahe the. Inmein se ek hamlaavar ne rider ke pet aur pasali par do laat jamaain. ' rider pichhle saal se swayam hi antararaashtreeya cricketer mein naheen khel rahe hain. Unhonne new jeelaind ki taraf se aakhiri match pichhle saal February mein dakshin Africa ke khilaaf khela tha. Unhein chot se ubarane ke dauraan sharaab ka sevan karne par team ke niyamon ko todne ke liye fatkaar lagaayi gayi thi. Rider ne iske baad sharaab aur fitness ke masalon ko lekar raashtreeya anubandh asveekaar kar diya tha aur khud ko raashtreeya team mein chayan ke liye anupalabdh rakha tha. Vah in samasyaaon ke samaadhaan ke liye kleenikl saaikaulajist ki madad le rahe the. Rider ko is saptaah ke aakhir mein IPL ke chhathe season mein khelne ke liye Delhi Daredevils ke saath judna tha. Delhi ki freinchaaiji ne IPL ki haal hi ki neelaami mein unhein 260000 dollar mein khareeda tha.

Rider Ki Haalat Mein Sudhaar, Do Par Aarop Tay https://www.angrejinews.com/pic/3796