Retail Ke Baad Thok Mahangaai Dar Bhi Ghati

Business »

Retail Ke Baad Thok Mahangaai Dar Bhi Ghati

vishesh samvaadadaata . Nai Delhi retail mahangaai dar mein giraavat ke baad ab thok moolyon par aadhaarit mahangaai ki dar mein giraavat darj ki gayi hai. Khaadya vastuon ke daam ghatne se thok moolya par aadhaarit mahangaai ki dar April-2013 mein kam hokar 4.89 feesadi aa gayi. Yah mahangaai dar ka teen saal ka nichla star hai. Ek maheene pehle yaani March mein yah 5.96 feesadi thi. April- 2012 mein mahangaai ki dar 7.50 feesadi ki oonchaai par thi. Mahangaai ki dar mein giraavat aane se byaaj daron mein katauti ki gunjaaish badh gayi hai. Reserve bank 17 June ko maudrik neeti ki madhya timaahi sameeksha karega. Ghategi byaaj dar : Vitt mantraalaya mein aarthik maamalon ke sekretari Arvind maayaaraam ka kehna hai ki RBI kai baar chuka hai ki usaki paini nigaahein mahangaai dar ki ghata-badhi par hai. Agar mahangaai ghategi to pakke taur par reserve bank byaaj daron mein kuchh raahat day sakta hai. Mahangaai ki dar mein giraavat jaari rahi to byaaj dar nishchit roop se kuchh raahat bhare kadam utha sakta hai. Yojana aayog ke upaadhyaksh montek Singh Ahluwalia ka kehna hai ki mahangaai par par dabaav kam ho raha hai. Isse yah ummeed bandhati hai ki agale kuchh maheenon mein bhi yah sthiti jaari rahegi. Aise mein aam aadmi ko kai morche par raahat mil sakti hai. Paanch feesadi ki mahangaai dar manjoor karne laayak hai. Pradhaanamantri ki aarthik salaahakaar parishad ke adhyaksh da. Si. Rangaraajan ke mutaabik, ek maheene aur mahangaai ki dar par najar rakhana padega. Agar mahangaai ki dar paanch feesadi ke aaspaas rahi to byaaj daron mein katauti ki ummeed ban sakti hai. Corporate khush : Mahangaai se kami se corporate jagat kaafi khush hai. Usaka kehna hai ki agar mahangaai ki dar isi tarah se kam hoti rahi to byaaj darein bhi kam hongi. Iska faayda market aur audyogik kshetr ko milega. Audyogik sangathan FICCI ka kehna hai ki mahangaai mein nirantar giraavat ek raahat bhari khabar hai. Isse byaaj daron mein narami ki gunjaaish badhegi. Iske alaava graahak bhi market mein apni maujoodagi badha sakte hain.

Retail Ke Baad Thok Mahangaai Dar Bhi Ghati https://www.angrejinews.com/pic/8631