Reserve Bank Ne Sone Ke Aayaat Se Jude Pratibandhon Mein Dheel Di

Breaking »

Reserve Bank Ne Sone Ke Aayaat Se Jude Pratibandhon Mein Dheel Di

Mumbai: reserve bank ne sone ke aayaat par lage pratibandhon mein Budhvaar ko kuchh dheel di. Keindreeya bank ne kuchh vyaapaarik gharaanon ko sona aayaat ki anumati di hai. Isse pehle reserve bank kuchh bankon ko bhi sona aayaat ki anumati de chuka hai. keindreeya bank ne yeh kadam sone ke gahanon ke niryaat ko badhaava dene ke uddeshya se uthaaya hai. Reserve bank ne pichhle saal July mein sone ke badhte aayaat aur iska chaaloo khaate ke ghaate par padte bure asar ko niyantrit karne ke liye sona aayaat par kade pratibandh laga diye the. keindreeya bank ne sone ke aayaat ko iske niryaat ke saath jodte hue 20: 80 ka faurmoola laagoo kiya. Is faurmoole ke tahat kuchh bankon ko hi aayaat ki anumati di gayi, jabki anya ko sona aayaat se alag rakha gaya. reserve bank ki adhisoochana mein kaha gaya, star vyaapaar gharaane, Premier vyaapaar gharaane, jinhein videshi vyaapaar mahaanideshak dvaara naamit agency ke taur par panjeekrut kiya gaya hai, ab 20: 80 yojana ke tahat sone ka aayaat kar sakeinge. sona aayaat ki 20: 80 yojana ke tahat aayaatak ko ek baar mein jitna bhi sona aayaat kiya jaaega, usaka 20 pratishat alag se niryaat ke liye upalabdh karaaya jaaega, jabki shesh 80 pratishat sone ko ghareloo upayog mein liya ja sakta hai. reserve bank ne pratibandhon mein jo chhoot di hai, uske liye aabhooshan nirmaataaon, sona-chaandi deelaron, bankon aur vyaapaar sangathanon ne use gyaapan saunpe the. Reserve bank ke nae dishaanirdesh turant prabhaav se laagoo ho gaye hain. Baharahaal, star vyaapaar gharaanon aur Premier vyaapaar gharaanon ko kuchh sharton ka paalan karna hoga. Isse pehle keindreeya bank ne March mein paanch aur bankon ko sona aayaat ki anumati di thi.

Reserve Bank Ne Sone Ke Aayaat Se Jude Pratibandhon Mein Dheel Di https://www.angrejinews.com/pic/51355