Reserve Bank Ki Maudrik Sameeksha Se Tay Hogi Baajaar Ki Disha

Breaking »

Reserve Bank Ki Maudrik Sameeksha Se Tay Hogi Baajaar Ki Disha

Nai Delhi: aagaami saptaah share baajaar ki disha tay karne mein reserve bank ki maudrik sameeksha ki pramukh bhoomika hogi. Keindreeya back ki maudrik sameeksha mangalvaar ko honi hai. Visheshagyon ne yeh rai jaahir ki hai. iske alaava vaahan companiyon ke sheyaron par bhi niveshakon ki nigaah hogi, kyonki is kshetr ki companiyaan May maah ke apne maasik bikri aankade jaari kareingi. March mein samaapt hue chauthi timaahi ke nateejon ka season samaapt ho gaya hai. Aise mein videshi sansthaagat niveshakon (FII) ke nivesh ke rukh, vaishvik sanketon aur dollar ke mukaabale rupaye ka utaar-chadhaav ghareloo share baajaar ki disha nirdhaarit karega. Religare securities ke khudara vitran vibhaag ke adhyaksh jayant maangalik ne kaha, ab kaarobaariyon ki sakal ghareloo utpaad (GDP) aankadon par pratikriya somvaar ko baajaar ka rukh tay karegi. Hamaara maanana hai ki Sensex mein kisi giraavat ke kaaran vyaapaari aur niveshak donon ki taaja bhaageedaari badhegi jo khud ko baajaar se chhoota hua anubhav kar rahe hain.

Reserve Bank Ki Maudrik Sameeksha Se Tay Hogi Baajaar Ki Disha https://www.angrejinews.com/pic/52397