Rel Rijrveshan Karaane Ka Vakt Huaa Kam

Breaking »

Rel Rijrveshan Karaane Ka Vakt Huaa Kam

vishesh samvaadadaata . Nai Delhi rel mantraalaya ne ekabaar fir aam paiseinjaron ki suvidha ka havaala dekar agrim aarakshan ki avadhi chaar maheene se ghataakar do maheene kar di hai. Mantraalaya ka daava hai ki avadhi kam hone se jahaan log apni yaatra ki yojana theek dhang se bana sakeinge vaheen dalaalon par bhi ankush lagaaya ja sakega. Agrim aarakshan ki avadhi February 2012 mein tatkaaleen railmantri dinesh trivedi ne badhaai thi. Unka tark tha ki vakt jyaada hone se log aasaani se apni yaatra ki yojana bana sakeinge. Log jab khud apne tikt book kara leinge to dalaalon ki bhoomika bhi kam ho jaaegi. Ab railway board ke adhikaariyon ka kehna hai ki agrim aarakshan ki samay seema itni jyaada hai ki log theek se apni yaatra ki yojana naheen bana paate hain. Unhein aarakshan radd karaana padta hai. Iske alaava ab aarakshan radd karaane ki fees badh gayi hai. Paiseinjaron par aarthik bojh naheen pade, isi ko dhyaan mein rakhakar aarakshan avadhi kam karne ka kadam uthaaya hai. Adhikaariyon ka yah bhi kehna hai ki dalaal lambi avadhi ka faayda uthaate the. Ve pehle se hi thok mein agrim tikt book kara lete the. Fir unhein achaanak yaatra karne vaale yaatriyon ko jyaada daamon par bechate the. Un par ankush lagaane ke liye pehle har aarakshit shreni mein pehchaan patra lekar chalana anivaarya kiya gaya tha. Ab samay seema hi kam kar di gayi hai. Kaha yah bhi ja raha hai ki dinesh trivedi ne railway ke khaali khajaane ko bharne ke liye agrim aarakshan ki samay seema badhaai thi. Jis vakt unhonne yah faisala kiya tha us samay railway ki aarthik haalat khasta thi. Us samay vitteeya varsh khatm hone se pehle railway ke khaate mein kai hajaar karod rupaye agrim tikton ke jariye hi aa gaye the. Railway mein tikton ki kaalaabaajaari par paini najar rakhane vaalon ka maanana hai ki is faisale ka faayda bhi dalaal uthaaenge. Pehle ve thok mein tikt book karaake antim dinon mein radd kara liya karte the. Ab radd karaane ka shulk badh gaya hai. Isliye dalaal thok mein aarakshan se bacheinge.

Rel Rijrveshan Karaane Ka Vakt Huaa Kam https://www.angrejinews.com/pic/6794