Rel Mantri Bansal Ka Bhaanja CBI Hiraasat Mein

Breaking »

Rel Mantri Bansal Ka Bhaanja CBI Hiraasat Mein

nai Delhi. . Delhi ki ek adaalat ne rel mantri pavan Kumar bansal ke bhaanje vijay singala ko promotion ke liye ghoos ke maamale mein shanivaar ko chaar din ki CBI hiraasat mein bhej diya. Vishesh CBI judge svarnakaant sharma ne singala ke alaava sandeep Goyal, dharmeindr Kumar aur vivek Kumar ko bhi aath May tak hiraasat mein bhej diya taaki jaanch agency unase poochhataachh kar sake. Judge ne kaha ki aparaadh ki pravruti par vichaar karte hue hiraasat mein poochhataachh jaroori hai. Unhonne kaha ki isse na sirf rishvat ki raashi ke sors ka pata lag sakega, balki praathamiki mein jinka naam liya gaya hai, unke alaava anya shadayantrakaariyon ka bhi pata lag sakega. Adaalat ne iske saath hi unhein chaar din ke liye CBI hiraasat mein bhej diya. CBI ne sabhi chaaron aaropiyon ko giraftaar kiya tha. CBI ne shukravaar ko railway board ke sadasya (staaf) mahesh Kumar aur saat anya logon ke khilaaf bhrashtaachaar nivaaran kaanoon aur bhaarateeya dand sanhita ke praavadhaanon ke tahat ek maamala darj kiya. Unke khilaaf aakarshak pad haasil karne ke liye rishvat dene ka aarop lagaaya gaya hai. Sunavaai ke dauraan CBI ne adaalat se kaha ki maamale mein mahesh Kumar mukhya aaropi hain aur unhein Mumbai mein giraftaar kar liya gaya hai.

Rel Mantri Bansal Ka Bhaanja CBI Hiraasat Mein https://www.angrejinews.com/pic/7659