Rel Mantri Bansal Aur Kaanoon Mantri Ashvini Kumar Ki Chhutti

India »

Rel Mantri Bansal Aur Kaanoon Mantri Ashvini Kumar Ki Chhutti

Nai Delhi. . Railway ghoosakaand mein ghire rel mantri pavan Kumar bansal aur CBI ki status report badalavaane mein fanse kaanoon mantri ashvini Kumar ki chhutti ho gayi hai. Donon ne der raat kareeb nau baje ek-ek kar pradhaanamantri ko apne isteefe saunp diye. Shaam ko soniya Gandhi aur PM Manmohan Singh ki meeting mein donon ko hataane ka antim faisala le liya gaya tha. Iske baad isteefa dene ka farmaan jaari kar diya gaya. Bansal aur ashvini Kumar ke isteefe par kaafi der tak suspense bana raha. Ashvini Kumar ke baare mein kaha ja raha tha ki unhein cabinet se hataaya naheen jaaega, bas vibhaag badla jaaega, lekin baad mein sthiti saaf ho gayi. Kareeb paun ghante ke antaraal par pehle bansal aur fir ashvini Kumar PM ko isteefa saunpakar nikle. Gaurtalab hai ki ghoosakaand mein bhaanje ke fansane se bansal to ghire hi the, Supreme court ki fatkaar ke baad sarkaar par kaanooni mantri ko bhi hataane ka bhaari davaab tha. Vipakshi dalon ne bhi donon mantriyon ke isteefe ki maang ko lekar sarkaar ko nishaane par le liya tha. Sansad ka poora satr hangaame ki bheint chadh gaya tha. Ab charcha garam hai ki mallikaarjun khadge ko rel mantraalaya diya ja sakta hai. Khadke is samay shram rojagaar mantri hain. Teji se badla ghatanaakram: Ashvini Kumar aur bansal par sakht kaarravaai ki khabarein kai dinon se surkhiyon mein theen, lekin ghatnaakram shukravaar shaam se teji se badalne laga. Pichhle paanch din se apne daftar se door rahe rel mantri bansal shaam ko aanan-faanan mein rel mantraalaya ke liye nikle. Iske saath hi kayaas lagne lage the ki ve haaikamaan ka aadesh ke baad isteefa saunpane ja rahe hain. Theek isi dauraan Congress adhyaksh soniya Gandhi bhi apne ghar se 7 resakors rod sthit PM aavaas ke liye ravaana huin. Soniya Gandhi aur PM ki mulaakaat kareeb aadha ghante tak chali. Doosari tarah bansal rel mantraalaya mein maujood the. Sootron ke mutaabik bansal ko isteefa dene ka farmaan jaari kar diya gaya hai. Bansal rel mantraalaya se baahar nikle to media ne unhein gher liya. Isteefe ke savaalon par vah chuppi saadhe rahe. Vah media se bachate hue seedhe apne ghar chale gaye. Dera raat saunpa isteefaa: Bansal ke isteefe par kai ghante tak suspense bana raha. Bansal raat kareeb 9 baje ek baar fir apne ghar se nikle. Vah seedhe 7 aaraseeaar sthit pradhaanamantri ke aavaas gaye. Iske alaava kaanoon mantri ashvini Kumar bhi PM se milne pahunche to unke isteefe ki bhi atkalein lagne lageen. Bansal jab PM se milkar laute se unki car ki laal batti bujhi hui thi. Media ke savaalon par unhonne PM ko isteefa saunpane ki pushti ki. Kareeb paun ghante baad ashvini Kumar bhi PM ko apna isteefa saunpakar pichhle darvaaje se nikal gaye. Donon ke khilaaf kaarravaai ka spasht sanket shaam ko usi samay mil gaya tha jab Congress ke pravakta bhakt charan das ne kaha ki party bhrashtaachaar mein shaamil kisi shakhs ko naheen chhodegi. Isteefe par suspense par BJP ki chutakee: BJP ne bansal ke isteefe ko lekar bane suspense par chutaki li hai. BJP ke pravakta shahanavaaj husain ne kaha ki Congress ke andar kaanoon mantri ashvini Kumar aur rel mantri pavan bansal ko lekar gutbaaji ho rahi hai. Congress mein bansal mera, ashvini tera ka chakkar hai. Isliye bansal ke isteefe par bhram huaa hai. Unhonne kaha ki PM aur soniya Gandhi ke beech bhi matabhed hain. Bansal ke kaam naheen aaya 'Totaka' : Daraasal rel mantraalaya nikalne se pehle bansal apne ghar par totaka jaisa kuchh karte dikhe the. Shaam kareeb chaar baje bansal apne ghar ke baahar ek bakare ko kuchh khilaate hue dikhe. Unhonne bakare ko sahalaaya aur paas khadi bansal ki patni ne unki najar utaari. Fir bansal apni patni ke saath ghar ke andar chale gaye. Iske baad se hi yah charcha garm hone lagi ki daraasal yah sab kursi bachaane ka 'Totaka' hai. Is beech unke bete ki najar jaise hi yah sab camere mein kaid kar rahe meediyaavaalon par padi, vah bhadak gaye. Unhonne TV channelon ke kaimaron par haath rakhate hue unhein vahaan se jaane ko kaha. BJP ne bansal ke is totake ki khabar par chutaki li hai. BJP neta shahanavaaj husain ne kaha ki galati Congress kar rahi hai aur bechaare bakare ki jaan mushkil mein hai. Unhonne saath hi kaha ki bansal kitna bhi totaka kar lein, vah bachane vaale naheen hain. CBI ne kasa shikanjaa: Shukravaar ko rel mantri ki mushkil aur badh gayi thi. CBI ne is maamale mein railway adhikaariyon par shikanja kas diya hai. CBI ne railway adhikaariyon ko notice jaari kar jaanch mein sahayog karne ko kaha hai. Ek naheen, 8 post ke liye saudebaajee: Udhar, hamaare sahayogi channel 'Times naau' ke sootron ke mutaabik is ghoosakaand mein sirf ek post ke liye saudebaaji naheen hui thi balki 8 aur posts ke liye mol-bhaav huaa tha. Sootron ke mutaabik jis ek post ki 'Fixing' ho rahi thi vah senior injiniyr ki post ke liye thi. Baaki jo posts fix ki jaani theen, unheen ke liye pavan bansal ke ghar par meeting hui thi.

Rel Mantri Bansal Aur Kaanoon Mantri Ashvini Kumar Ki Chhutti https://www.angrejinews.com/pic/8322