Rel Kiraaye Mein Vruddhi Aanshik Roop Se Vaapas 80 Kimi Ki Upanagareeya Yaatra Mein Naheen Hogi Laagoo

Breaking »

Rel Kiraaye Mein Vruddhi Aanshik Roop Se Vaapas  80 Kimi Ki Upanagareeya Yaatra Mein Naheen Hogi Laagoo

Nai Delhi: railway ne rel kiraae mein badhotri aanshik taur par vaapas lene ki ghoshana karte hue aaj kaha ki haal mein yaatri kiraaye mein ki gayi 14.2 feesadi ki badhotri second class ki 80 kilometer tak ki upanagareeya yaatra mein laagoo naheen hogi. Is faisale se mahaanagaron mein yaatra karne vaale laakhon logon ko raahat milegi. railway ne punareekshit aadesh mein yeh bhi kaha ki anaarakshit shreni mein kiraaye mein badhotri vaise to 25 June ko laagoo honi thi, lekin ab yeh 28 June ko laagoo hogi. Railway ne maasik paasadhaarakon ko bhi raahat di hai. Ab unhein ek maheene mein aseemit yaatraaon ke liye 30 ki bajaay 15 yaatraaon ka bhugataan karna hoga. 20 June ko jaari adhisoochana ki sameeksha se pehle, sattaaroodh NDA ke maharaashtr ke saansadon ne rel mantri sadaanand gauda se mulaakaat kar rel kiraayon mein ki gayi vruddhi vaapas lene ki maang ki thi. railway ki aaj jaari adhisoochana mein kaha gaya hai 'Upanagaron mein doosari shreni ke saamaanya yaatri kiraaye mein 80 kimi ki doori tak koi vruddhi naheen hogi. ' is faisale se Mumbai, Kolkata, chennai aur Delhi jaise mahaanagaron mein roj yaatra karne vaale laakhon logon ko raahat milegi. Sanshodhan ke anusaar, maasik season tikt (emaesati) dhaarakon ko ab ek maah mein kai baar yaatra karne ke liye sirf 15 yaatraaon ka bhugataan karna hoga. isse pehle railway ne kaha tha ki paas dhaarakon ko 30 din ke liye bhugataan karna hoga. Baharahaal, yaatri kiraaye mein 14.2 feesadi ki vruddhi emaesati mein laagoo hogi. Rel mantraalaya ke ek varishth adhikaari ne bataaya 'Upanagareeya aur gair upanagareeya trainon ke doosari shreni ke maasik season tikt (emaesati) kiraaye 30 ke bajaay 15 yaatraaon ke aadhaar par honge. ' adhikaari ne bataaya ki jin logon ne pehle, sameeksha poorv daron par maasik tikt khareede the unhein atirikt bhugataan naheen karna hoga. jin yaatriyon ne premium trainon ke liye tikt pehle aarakshit kiye the unhein atirikt kiraaya naheen dena hoga. Baharahaal, anya trainon ke liye yaatriyon ko booking kaaryaalayon par ya trainon mein atirikt bhugataan karna hoga. Adhikaari ne bataaya ki aarakshan shulk aur suparafaast adhibhaar jaise anya shulkon mein koi badlaav naheen hoga. 25 June se train ke kiraaye mein vruddhi ka asar maasik season tikt (emaesati) dhaarakon par bhi padega.

Rel Kiraaye Mein Vruddhi Aanshik Roop Se Vaapas 80 Kimi Ki Upanagareeya Yaatra Mein Naheen Hogi Laagoo https://www.angrejinews.com/pic/54977