Rel Ghoosakaand Havaala Se Di Gayi Thi Ghoos Ki Rakam

Breaking »

Rel Ghoosakaand Havaala Se Di Gayi Thi Ghoos Ki Rakam

Nai Delhi. . CBI ne rel ghoosakaand mein giraftaar chaar aaropiyon ki aapasi baatcheet ke 500 calls ki baareeki se jaanch karne ka faisala kiya hai. CBI sootron ke mutaabik, pichhle do maheene se chali aa rahi sarvilaans mein 1000 se jyaada phone calls record kiye gaye hain. Giraftaar kiye gaye logon mein railway board ke meinbar mahesh Kumar aur bansal ke bhateeje vijay singala, bichauliye manjoonaath aur sandeep Goyal hain. CBI ko shuruaati jaanch mein yah pata laga hai ki ghoos ka shuruaati paisa Bengaluru se havaala ke jariye laaya gaya tha. Manjoonaath ne Delhi ke apne kauntaikts ka kathit taur par istemaal karke is paise ko Chandigarh singala tak pahunchaaya. Agency ka aarop hai ki ghoos ka kuchh paisa kareeb 90 lakh rupaye singala ko dilivr kiya gaya, jiske baad CBI ne uske yahaan sarch operation chalaaya aur ghoos ki rakam baraamad ki. Aaropiyon ke phone calls mein singala Kumar ko kaam ho jaane ka bharosa day rahe hain. Kumar ko kathit taur par yah bharosa diya ja raha tha ki unhein meinbar (ilektrikl) ki lubhaavani post mil jaaegi. Baatcheet ke tape bataate hain ki chaaron ek doosare ko baraabar call kar rahe the. Khaaskar 3 May ko jab Kumar ko CBI ne giraftaar kiya, chaaron logon ne baar-baar aapas mein baat ki. CBI yah bhi jaanch rahi hai ki ghoos ka paisa Bengaluru se Chandigarh kaise laaya gaya.

Rel Ghoosakaand Havaala Se Di Gayi Thi Ghoos Ki Rakam https://www.angrejinews.com/pic/8319