Rel Bajat Se Baajaar Mein Naheen Dikha Utsaah, Sensex Ne Lagaai 316 Ank Ki Dubaki

Business »

Rel Bajat Se Baajaar Mein Naheen Dikha Utsaah, Sensex Ne Lagaai 316 Ank Ki Dubaki

Mumbai: Rel bajat baajaar mein teji laane mein naakaam raha. Vaishvik star par kamjor rukh ke beech Mumbai share baajaar ka Sensex 316.5 ank ki giraavat ke saath teen maheene ke nimn star 19,015.14 ank par band huaa. Rel maal bhaada khaaskar jins dhulaai bhaada mein vruddhi se mudraasfeeti badhne ki aashanka mein kaarobaar ke dauraan ek samay Sensex 29 November ke baad pehli baar 19,000 ke star se neeche chala gaya tha. Baharahaal, baad mein tees pramukh sheyaron par aadhaarit Sensex 316.5 ank ki giraavat ke saath 19,015.14 ank par band huaa. Isi prakaar, national stock exchange ka Nifty 93.40 ank ki giraavat ke saath 5,761.35 ank par band huaa. Mukhya roop se rifaainari, vaahan tatha poonjeegat vastuen banaane waali companiyon ke sheyaron mein giraavat darj ki gayi. Kaarobaariyon ke anusaar keindreeya bajat tatha derivetivs khand ke samaapt hone se baajaar dhaarana par asar pada. Iske alaava Asiaee baajaaron mein giraavat ke rukh tatha Italy ke chunaav ko lekar chinta se Europeeya baajaaron mein kamjor shuruaat se bhi baajaar dhaarana prabhaavit hui. Rel mantri ne anaaj, dalahan tatha moongafali tel ke bhaade mein kareeb chhah pratishat ki vruddhi ki. Isse khaadya vastuon ki keematon mein vruddhi ki aashanka hai.

Rel Bajat Se Baajaar Mein Naheen Dikha Utsaah, Sensex Ne Lagaai 316 Ank Ki Dubaki https://www.angrejinews.com/pic/2860