Rel Bajat Par Raakaampa Ne Niraasha Jataai, Mumbai Ki Upeksha Ka Aarop Lagaaya

Breaking »

Rel Bajat Par Raakaampa Ne Niraasha Jataai, Mumbai Ki Upeksha Ka Aarop Lagaaya

Nai Delhi: Raakaampa ne rel bajat par gahari niraasha prakat ki hai aur party pramukh sharad Pawar ne samprag samanvaya samiti ki baithak mein kaha ki Mumbai ki upeksha ki gayi hai jo 'Sveekaarya naheen' hai. Sootron ne bataaya ki teen ghante tak chali baithak mein ek anya sahayogi dal dramuk ne jaateeya tamilon ke mudde par Sri Lanka ke khilaaf kathor rukh naheen apnaane ke liye sarkaar ki aalochna ki. Loksabha mein rel bajat pesh kiye jaane ke kuchh hi ghante baad Pawar ne kaha ki sarkaar ne Mumbai mein 80 lakh yaatriyon ki samasyaaon ki poori tarah anadekhi ki hai. Pradhaanamantri Manmohan Singh dvaara bulaai gayi baithak mein raakaampa ne kaha ki is tarah ki anadekhi sveekaarya naheen hai. Is baithak mein samprag adhyaksh soniya Gandhi bhi maujood theen. Dramuk ke teeaar baaloo ne shreelankaai tamilon ke mudde par sarkaar ke kathor rukh naheen apnaane par naakhushi jataai. Baithak mein samprag ke ek anya sahayogi dal raalod ne uttar pradesh ke bantavaare ka mudda uthaaya. Ispar Pawar ne turant alag telangaana raajya ka mudda uthaaya. Gathabandhan ke netaaon ne samprag netrutv se kaha ki gathabandhan ne 2004 mein satta mein aane ke baad raashtrapati ke abhibhaashan mein telangaana ke mudde par kuchh vaada kiya tha aur use poora kiye jaane ki aavashyakta hai.

Rel Bajat Par Raakaampa Ne Niraasha Jataai, Mumbai Ki Upeksha Ka Aarop Lagaaya https://www.angrejinews.com/pic/2924