Rel Bajat Ke Baad Share Baajaaron Mein Jordaar Giraavat, Sensex Kareeb 400 Ank Ludhka

Breaking »

Rel Bajat Ke Baad Share Baajaaron Mein Jordaar Giraavat, Sensex Kareeb 400 Ank Ludhka

Mumbai: share baajaar mein saptaah ke doosare din teji ka silsila shuroo to hua, lekin rel bajat se baajaar ki ummeedein dharaashaayi ho gain, jiska asar baajaar par dikha aur jaise-jaise railmantri sadaanand gauda bajat aage badhte hue vaise-vaise baajaar neeche chala gaya. Rel bajat ke baad Sensex jordaar giraavat ke saath kareeb 400 ank ludhak gaya. Bombay stock exchange (BSE) ka samvedi soochakaank Sensex dopahar baad 2: 55 baje 373.86 ank (ya 1.43 feesadi) ki giraavat ke saath 25,726.22 par kaarobaar kar raha tha, aur national stock exchange (NSE) ka samvedi soochakaank Nifty bhi 123.30 ankon (ya 1.58 feesadi) ki giraavat ke baad 7,663.85 par kaarobaar kar raha tha. isse poorv Bombay stock exchange (BSE) ka samvedi soochakaank Sensex dopahar 1: 38 baje 74.75 ank (ya 0.29 feesadi) ki giraavat ke saath 26,025.33 par kaarobaar kar raha tha, aur national stock exchange (NSE) ka samvedi soochakaank Nifty bhi 32.55 ankon (ya 0.42 feesadi) ki giraavat ke baad 7,754.60 par kaarobaar kar raha tha. subah bajat mein vikaasonmukhi kadam uthaae jaane ki ummeed mein ki ja rahi thi, tab livaali se national stock exchange ka Nifty pehli baar 7,800 ank ka star paar kar gaya aur BSE Sensex 26,190.44 ank ki nai oonchaai par pahunch gaya tha.

Rel Bajat Ke Baad Share Baajaaron Mein Jordaar Giraavat, Sensex Kareeb 400 Ank Ludhka https://www.angrejinews.com/pic/56425