Rel Bajat Janavirodhi, Janta Agale Chunaav Mein Javaab Degi Sapa

Breaking »

Rel Bajat Janavirodhi, Janta Agale Chunaav Mein Javaab Degi  Sapa

Nai Delhi: Sansad mein aaj pesh hue rel bajat ko 'Janavirodhi' bataate hue samaajavaadi party ne kaha ki ismein poore desh ka dhyaan naheen rakha gaya hai aur keval Congress shaasit raajyon ko tavajjo di gayi hai. Sapa adhyaksh mulaayam Singh Yadav ne yah bhi kaha ki samprag sarkaar mein mahangaai badhti rahegi aur janta iska javaab agale chunaav mein achhi tarah degi. Unhonne kaha ki unhein maujooda rel mantri pavan bansal se kaafi ummeedein theen, lekin unhonne bhi niraash kiya. Yadav ne sansad parisar mein samvaadadaataaon se kaha, jab se ham sansad mein hain kai rel bajat dekhe, lekin itna janavirodhi rel bajat kabhi naheen aaya hai. Yah bajat sabse jyaada jan virodhi aur pakshapaatapoorn hai. Ismein pichhde ilaakon ko vanchit rakha gaya hai. Kabhi kisi rel mantri ka itna virodh naheen huaa, jitna inka (pavan Kumar bansal) ho raha hai. Unhonne kaha ki is rel bajat mein itaava, eta, mainapuri, farrukhaabaad, kannauj, badaayoon tatha bundelakhand aadi kshetron ka dhyaan naheen rakha gaya hai aur keval Congress party vaale raajyon ka dhyaan rakha gaya hai. Sapa adhyaksh ne kaha ki unhein raayabareli aur amethi ko pariyojanaaen diye jaane mein koi aapatti naheen, lekin desh ke sabhi hisson ka dhyaan ismein rakha jaana chaahiye tha. Unhonne kaha ki uttar pradesh mein unka sansadeeya kshetr mainapuri aur badaayoon rel maargon ke lihaaj se sarvaadhik vanchit hain, lekin bajat mein inhein koi rel line naheen di gayi. Maalabhaada badhaaye jaane se mahangaai badhne ke savaal par mulaayam ne samvaadadaataaon se kaha, ve (samprag sarkaar) mahangaai badhaate raheinge. Janta agale chunaav mein unhein achhi tarah javaab degi.

Rel Bajat Janavirodhi, Janta Agale Chunaav Mein Javaab Degi Sapa https://www.angrejinews.com/pic/2867