Rel Bajat Ek Vishesh Kshetr Ko Tavajjo Dene Vaala Maayaavati

Breaking »

Rel Bajat Ek Vishesh Kshetr Ko Tavajjo Dene Vaala  Maayaavati

Nai Delhi: Railmantri pavan Kumar bansal dvaara aaj pesh kiye gaye rel bajat ko ek vishesh kshetr ko tavajjo dene vaala karaar dete hue basapa supreemo maayaavati ne kaha ki is tarah se railway ka raajaneetikran karna desh ke liye theek naheen hai. Maayaavati ne sansad bhavan parisar mein rel bajat par pratikriya vyakt karte hue samvaadadaataaon se kaha ki pichhle kai varshon se samprag ke ghatak dal ke paas rel mantraalaya raha. Unhonne kaha ki yah aam chalan ho gaya hai ki in dalon ne apne raajyon par dhyaan diya aur railway ka raajaneetik istemaal kiya. Unhonne kaha ki desh ke vikaas aur janta ke hiton ko dhyaan mein rakhate hue railway ka jaal bichhaaya jaana chaahiye aur ismein koi bhedabhaav naheen kiya jaana chaahiye. Basapa pramukh ne kaha ki uttar pradesh mein 75 jile hain. Rel line ya anya rel pariyojanaaen yadi raayabareli ke liye hi hogi to shesh 74 jilon ka kya hoga. Maayaavati ne kaha ki desh ke gareeb log aur maadhyam varg sabse adhik railway ka upayog karte hain, isliye inke hiton ko dhyaan mein rakha jaana chaahiye. Unhonne kaha, ek vishesh kshetr par poora dhyaan lagaana theek naheen hai. Railway ka raajaneetikran naheen hona chaahiye.

Rel Bajat Ek Vishesh Kshetr Ko Tavajjo Dene Vaala Maayaavati https://www.angrejinews.com/pic/2863