Rel Bajat 2013 Yaatri Kiraaye Naheen Badhe, Maal Dhulaai, Aarakshan-raddeekaran Hue Mahange

Business »

Rel Bajat 2013  Yaatri Kiraaye Naheen Badhe, Maal Dhulaai, Aarakshan-raddeekaran Hue Mahange

Nai Delhi: Railmantri pavan bansal apna pehla rel bajat pesh kar rahe hain. Isi ke saath unhonne ghoshana kar di hai ki rel kiraae mein badhotri naheen maheenebhar pehle yaatri kiraayon mein vruddhi karne ke baad mangalvaar ko apna pehla rel bajat pesh karte hue railmantri pavan bansal ne yaatri kiraaye mein koi aur vruddhi naheen ki par unhonne tikton ke aarakshan, raddakaran aur tatkaal aarakshan aadi par lagne vaale shulkon aur prabhaaron mein das rupaye se 100 rupaye tak ki vruddhi ki. Iske saath saath unhonne maal bhaade mein bhi paanch se chhah pratishat ki vruddhi karne ki ghoshana ki hai jiska asar baajaar mein manhagaai par bhi pad sakta hai. Loksabha mein 2013-14 ka rel bajat pesh karte hue bansal ne yaatri kiraayon ki maujooda daron ko aparivrtit rakhate hue kaha ki choonki diesel ke daam badhne se railway ki parichaalan laagat badhi hai par vah iska bojh yaatriyon par naheen daalna chaahate hain. Unhonne kaha, is varsh January mein hi yaatri kiraayon mein sanshodhan kiya gaya hai isliye ''Abhi main unapar aur bojh naheen daalna chaahata aur railway swayam hi 850 karod rupaye ke (yaatri sevaaon par diesel kharch ke badhe bojh) ka nirvahan karegi. '' bansal 17 saal mein rel bajat pesh karne vaale pehle Congressi mantri hain. Unhonne kiraayon par indhan ki keematon ke asar ko samaayojit karne ke liye apne poorvavarti mantri Trinamool Congress ke dinesh trivedi dvaara prastaavit indhan samaayojan ghatak (efaesi) ko apnaane ki ghoshana ki. Unhonne kaha ki ''Yah daayanaimik kism ka rakha jaaega tatha indhan ki laagat parivrtit hone ke saath hi ise ghataaya badhaaya ja sakta hai. ' yah neeti 1 April 2013 se prabhaavi hogi aur iske tahat kiraaye bhaade mein samaayojana saal mein do baar kiya ja sakta hai. Bansal ne kaha ki maal bhaade mein indhan samaayojan ghatak ke kaaran paanch-chhah pratishat ki vruddhi ho sakti hai. Unhonne filhaal yaatri kiraayon ko isse mukt rakhane ka faisala kiya hai. Railmantri ne kaha ki yaatri kiraayon mein 22 January ko sanshodhan kiya gaya tha jiske parinaam svaroop 20-13 14 mein 6,600 karod rupaye ki atirikt aamdani hogi. Bansal ne bataaya ki January 2013 mein diesel ke daam mein vruddhi se railway ke indhan bill par 3,300 karod rupaye ka bojh badha hai jismein kiraaye mein badhotri se praapt atirikt sansaadhanon ka bada bhaag lag gaya hai. Railway ko 2013-14 mein apne bijli aur indhan bill mein 5,100 karod rupaye ki vruddhi ka anumaan hai. Unhonne suparafaast gaadiyon ke tikton par poorak prabhaar, aarakshan shulk, aarakshan radd karne par lipik prabhaar, tatha tatkaal prabhaar mein vruddhi karne ka prastaav kiya aur is vruddhi ko 'Thodi si vruddhi bataaya. ' apni 75 minute ke bhaashan ke uttaraardh mein vipaksh ke bhaari shor sharaabe ka saamana karte hue railmantri ne nai gaadiyon, nai laainon aur nae rel maargon ke sarve ke prastaavon ki ghoshana ki. Unhonne kaha ki railway kiraayon mein vruddhi ko laabh kamaane ka upaaya naheen maana jaana chaahiye. Unhonne kaha, 'Yadi rel kiraayon mein saalaana 5-6 pratishat ki maamooli vruddhi ki jaae to das saal mein railway ek lakh karod rupaye se adhik ki raashi juta sakta hai. Yaatri sevaaon mein sudhaar tatha yaatriyon ke liye atirikt faayde kiye ja sakte hain. Railmantri pavan bansal dvaara sansad mein kahi gayi kuchh baatein - - kaajeegund-baaraamula sekshan poora karne par hamein garv - rel karmachaariyon ki mehnat par garv hai - railway ne desh ki ekta mein aham bhoomika nibhaai - railway mein sudhaar ke liye hamein har or se sujhaav mile - kharcha badha hai, jiski vajah se maal bhaada badhaana pada - railway ko vitteeya roop se majaboot banaana chunauti - beete das saal mein kareeb 4 hajaar nai trainein - nai railway laainon ke kaam mein fund ki kami I - nai gaadiyon ki vajah se railway ka ghaata badha - Allahabad Kumbh ke dauraan hue haadase ka hamein dukh hai - yojana aayog ne railway ko 5.19 lakh karod diye - railway leval krausing par durghatanaaen chinta ka vishay - railway durghatanaaon mein pehle ke mukaabale kami I - train protekshan vaurning system laagoo karne ki jaroorat - railway mein aag haadase rokane ke liye kai nae kadam - train mein safar ke dauraan vaai-faai ki suvidha dene ki taiyaari - aaiaaraseeteesi website ki kshamata kai guna badhaaenge - website ke haing hone se nijaat dilaaenge - mahilaaon ki suraksha ke liye mahila aarapeeef ki tainaati - yaatriyon ki suvidha badhaane ko ham pratibaddh hain - 104 nae stationon mein saaf-safaai ke khaas upaaya - pichhle saal railway ko 24,600 karod ka ghaata - anubhooti naam se nae aur behtar coach - anubhooti coach ka kiraaya suvidhaaon ke hisaab se - chhah aur rel neer bautaling plant lagaae jaaenge - 10,700 railway leval krausing khatm karne ka lakshya - mobile phone se E-tikting ki suvidha deinge - feedabaik ke liye 18 January 2013 se 180011321 number laagoo - 180011321 number par yaatri apni shikaayat darj karva sakte hain - railway ek arab tan maal bhaade ka lakshya haasil karegi - Internet se booking sirf ek ghanta band hogi - ab 23 ghante Internet se tikt booking - aadhaar card ka istemaal railway mein karne ki taiyaari - Patna aur nai Delhi railway station par laaunj - kai railway stationon par nae futaovar brij - kaalaahaandi mein nai meintineins varkashaup lagaaenge - soneepat mein coach factory banegi - teen Congress shaasit raajyon Rajasthan, Haryana aur Andhra pradesh mein rel faiktriyaan baneingi - raayabareli factory mein pahiye bhi baneinge - railway mein sava lakh nai naukriyaan di jaaengi - niji kshetr ke saath milkar railway quarter banaae jaaenge - railway catering mein plastic ke istemaal par paabandi - bahaaduri puraskaar vijetaaon ko vishesh chhoot - Secundarabad mein railway financial mainajameint Institute - musaafiron ki taadaad mein 5.2 feesadi ki badhotri ka anumaan - 1 lakh 43 hajaar karod ki aamdani ka anumaan - tatkaal aur suparafaast seva ka sarachaarj badhega - railway manarega yojana mein bhi bhaageedaar banega - aam bajat mein sarachaarj lag sakta hai - Mumbai lokal mein AC dibba lagega - 67 nai express trainein chalaai jaaengi - 26 nai peseinjar trainein chalaai jaaengi - maal bhaade mein ausatan 5 pratishat ki badhotri

Rel Bajat 2013 Yaatri Kiraaye Naheen Badhe, Maal Dhulaai, Aarakshan-raddeekaran Hue Mahange https://www.angrejinews.com/pic/2862