Rel Bajat 2013 Tej Raftaar Waali Durghatana Raahat Train Khareedega Railway

Business »

Rel Bajat 2013  Tej Raftaar Waali Durghatana Raahat Train Khareedega Railway

Nai Delhi: Rel durghatanaaon ke dauraan raahat, bachaav aur kaam dobaara shuroo karne ke liye bhaarateeya rel Europe se tej raftaar waali svachaalit durghatana raahat train (esapeeeaarati ya spaart) aur haaidrolik kren khareed raha hai. Is samay railway ke paas aisi 27 trainein hain, jo 110 kilometer prati ghante ki raftaar se chalti hain. Railmantri pavan Kumar bansal 26 February ko apne pehle rel bajat, varsh 2013-14 ke rel bajat mein 160 kilometer prati ghante ki raftaar se chalne waali tej raftaar waali raahat train ki khareed sambandhi prastaav ki ghoshana kareinge. Rel mantraalaya ke ek varishth adhikaari ne kaha, ham tej raftaar waali do spaart khareedne ki yojana bana rahe hain, jo pehle charan mein 160 kilometer prati ghante ki raftaar se chal sakti hain. Inse bachaav upakaranon ko durghatanaasthal par teji se pahunchane aur raahat pahunchaane evam dobaara kaam shuroo karne mein madad milegi. Teen dibbon waali diesel chaalit spaart ki anumaanit keemat 40 karod rupaye hai. Railway atyaadhunik spaart vaishvik nivida prakriya ke dvaara khareedega. Tay yojana ke anusaar, pehle do spaart ki takaneek Europe se aayaat ki jaaegi. Iske saath hi railway ne aath haaidrolik kren aayaat karne ka bhi faisala kiya hai, jisse uske aapada prabandhan ko majaboot karne mein madad milegi.

Rel Bajat 2013 Tej Raftaar Waali Durghatana Raahat Train Khareedega Railway https://www.angrejinews.com/pic/2553