Rel Bajat 100 Nai Trainon Ki Ghoshana Sambhav, Saaf-safaai Par Bhi Focus
Business » Thursday, February 21, 2013
Nai Delhi: Railway 2013-14 ke bajat mein vibhinn raajyon ki maang ko poora karne ke liye AC double dekar samet kareeb 100 trainein shuroo kar sakta hai. Iske alaava kuchh trainon ki sevaaon ka vistaar bhi kiya ja sakta hai. Jahaan tak engine, rel dibbe tatha wagon vinirmaan kaaryakram ka savaal hai, bajat mein 600 elaechabi dibbon samet 4200 nae dibbon ke rmaan ki ghoshana ki ja sakti hai. Saath hi 20 LNG engine samet 670 nae engine banaae jaane ki ghoshana ke saath kareeb 16,000 nae wagon ke nirmaan ka ailaan kiya ja sakta hai. Rel mantraalaya ke sootron ne bataaya, is saal rel bajat mein yaatriyon ko adhik suvidhaaen upalabdh karaane par dhyaan diya ja sakta hai. Aise prayaas kiye ja rahe hain, jisse poorvottar samet sabhi kshetron ki maang ko poora kiya jaae, kyonki vibhinn raajyon se nae trainon ke liye anurodh kiye gaye hain. Sootron ne kaha ki bajat mein kareeb 100 nai trainon ki ghoshana ki jaaegi. Logon ki maang ko dekhte hue kuchh express trainon ka vistaar tatha kuchh lokapriya trainon ke fere bhi badhaae ja sakte hain. Pichhle saal railway ne 175 trainon ko shuroo kiye jaane ki ghoshana ki thi. Railmantri pavan Kumar bansal 26 February ko pesh kiye jaane vaale apne pehle rel bajat mein trainon mein saaf-safaai, agnishaman vyavastha ko duroost karne tatha sabhi yaatriyon ke liye behtar suvidhaaen jaisi cheejon par jor day sakte hain. Bansal netraheen yaatriyon ke liye dibbon ke andar brel steekar upalabdh karaae jaane ke prastaav ko bhi bajat mein hari jhandi day sakte hain. Kul 543 trainon mein shauchaalaya tatha dibbon ke saaf-safaai ke liye 'On board house keeping' yojana shuroo ki ja sakti hai. Iske tahat chalti train mein saaf-safaai ki vyavastha hogi. Railway ne 10 masheenayukt laandri sthaapit karne ka prastaav kiya hai, taaki saaf-suthara chaadar, kanbal aur anya saamaanon ki aapoorti ki ja sake. AC dibbon tatha paintri kaaron mein agnishaman ke liye vishesh upaaya kiye ja sakte hain, kyonki aag lagne ki aashanka sabse jyaada inheen jagahon par hoti hai. Nakadi sankat se joojh rahe railway ko saamaanya bajateeya samarthan ke roop mein agale vittavarsh ke liye 28,000 karod rupaye mil sakte hain, jabki usaki maang 38,000 karod rupaye ki hai.