Rekeenan Ne Jeeti Australiaee Graan Pre
Sports » Tuesday, March 26, 2013
mujhe vishvaas hai ki meri car bahut achhi hai. Week end mere liye achha raha. Khaaskar jab aap lambi race ke baad pehle number par raho. Ham yah achhi tarah jaante the ki agar frant tyre der tak chaleinge to ham behtar sthiti mein honge. Main aatmavishvaas se bhara tha. Magar yah season ki pehli race thi. Aise mein pehla laip khatm hone tak aap ko haalaat ki sateek jaankaari naheen hoti hai. Meri car ne sach mein shaanadaar kaam kiya. - kimi rekeenan, lots ke driver eefapi . Melbourne lotus kimi rekeenan ne season ki pehli faurmyoola van race Australiaee graan pre ka khitaab jeet liya. Ummeedon ke ulat Finland ke is driver ne grid mein saatavein number se shuruaat ki aur keval do pit stop lene ki straitiji apnaakar top paujishn haasil kiya. Unhonne feraari ke farnaando alonso aur red bul ke world champion sebestiyn vetel ko peechhe chhoda. Feraari ke saath rahate hue 2007 ki world championship jeetne vaale 33 varsheeya rekeenan ki yah ef van mein 20veen jeet hai. Melbourne mein yah fin ki doosari jeet hai. Isse pehle unhonne 2007 mein yahaan jeet darj ki thi aur season ke aakhiri mein vah world championship jeetne mein kaamayaab rahe the. Unhonne alonso ko 12.4 second se peechhe chhod, jabki vetel ne 9.8 aur second liye race khatm karne mein lagaae. Aloson ne do baar tyre change karavaae, jabki unke virodhiyon ne teen baar tyre change karavaae. Alonso ke feraari ke saathi braajeeli driver felip maasa chauthe, Britain ke marseedeej ke driver luis haimiltan paanchavein aur red bul ke Australiaee mark vebar chhathe sthaan par rahe. Vaheen sahaara fors India ne season ki shuruaat shaanadaar tareeke se ki. Edriyn sutil aur paul di resta kramash: Saatavein aur aathavein sthaan par rahe jisse team ne 10 world championship pauints jutaae. Germany ke sutil grid par paanch sthaan aage rahe, jisse unhonne chhah pauints haasil kiye, jabki kvaulifaaing mein naunve sthaan par rahane vaale di resta ko chaar pauints mile. Apne tyre se joojhane vaale sutil ne kaha ki team ke liye yah result haasil karna season ki achhi shuruaat karne ka behtar tareeka hai. Team pichhle saal Australiaee graan pre mein keval ek hi point juta saki thi, jismein di resta 10vein sthaan par rahe the