Reenyooebal Enarji Praudakshan Doguna Kareinge

India »

Reenyooebal Enarji Praudakshan Doguna Kareinge

vas . Nai Delhi : Pradhaanamantri Manmohan Singh ne kaha hai ki Bhaarat naveekaraneeya oorja (reenyooebal enarji) ke apne maujooda praudakshan ko is panchavarsheeya yojana ke dauraan dogune se jyaada karke 55 hajaar megaavaut tak pahunchaana chaahata hai. Unka yah bhi kehna hai ki reenyooebal enarji ka utpaadan badhaane ke liye is kshetr ko subsidy di jaani chaahiye. Pradhaanamantri ne yah baat Budhvaar ko svachh oorja par 20 deshon ke mantristareeya sammelan ka udghaatan karte hue kahi. Unhonne kaha ki 2012 tak Bhaarat ka reenyooebal enarji ka utpaadan kareeb 25 hajaar megaavaut tha. Ise 2017 tak 55 hajaar megaavaut kiya jaana hai. Is mauke par pradhaanamantri ne bhaari maatra mein green house gaison ke utsarjan ke liye viksit deshon ko aade haathon bhi liya. Unhonne kaha ki green house gaison se bachane ka ek hi tareeka hai- clean enarji ko badhaava dena. Unhonne kaha ki iske liye is kshetr ko subsidy diya jaana jaroori hai. Klaaimet change : Pradhaanamantri ne apne bhaashan mein klaaimet change par ho rahi vaartaaon ki dheemi raftaar par naaraajagi jaahir ki. Unhonne kaha ki global teinparechar ko kam karne ka lakshya lagta hai najaron se ojhal ho raha hai. Unhonne sabhi deshon se appeal ki ki ve oorja ke kam se kam istemaal karne waali takaneek ke vikaas par jor dein. Pradhaanamantri ne yah bhi kaha ki audyogik desh apni jimmedaari ko mahasoos karein.

Reenyooebal Enarji Praudakshan Doguna Kareinge https://www.angrejinews.com/pic/5959