Raveesh Ki Kalam Se Ladne Ke Liye Ladaai Ladaai Ladaai

Breaking »

Raveesh Ki Kalam Se  Ladne Ke Liye Ladaai Ladaai Ladaai

Varanasi: 'Jiski aastha mukti ke us maarg mein hai vo us taraf (Baba vishvanaath mandir) aur jiski aastha mukti ke hamaare maarg mein hai vo is taraf (theek saamane ke CPM office) aate hain. ' subah-subah yeh gyaan diya Varanasi se CPM ke ummeedavaar Dr heeraalaal Yadav ne. Jab ham theek saamane ki dukaan par poodi, jalebi aur dahi ka lutf utha rahe the tab saamane kursi par chai pi rahe heera laal Yadav par padi. heeraalaal Yadav prachaar ki chamak-damak ki duniya se door apni baat rakhane ke liye chunaav lad rahe hain. Bataane lage ki party ki taraf se saajha ummeedavaar ladaane ka prastaav to aaya tha, magar koi taiyaar naheen hua. Jab-jab yahaan secular, samaajavaadi aur communist milkar lade hain bhaajapa ko haraaya hai. Uske baad heeraalaal ji apne peechhe akhbaar padh rahe ek sajjan se parichay karaate hain. Ye banaaras ke gangaapur se hamaare poorv vidhaayak hain. raajaneeti mein saadagi ke maare logon ki nazar bhi in par naheen padti hai. Iske anek kaaran hain. Heeraalaal bataate hain ki 67 mein hamaara saansad raha hai. Ek vidhaanasabha kshetr mein ham nau baar jeete hain, lekin ab kitna vote hai? Yadav ji kehte hain 2004 mein aath hajaar vote mila tha. Kyon log aapse door hue? Kya aap janta ke muddon ko lekar sangharsh naheen karte? javaab mein heeraalaal ne bataaya ki humne yahaan teen saal sangharsh karke baais sau ekad jameen bacha li. Kisaanon se jameen lekar haai tech city banaaya ja raha tha. Is jameen mein tees prakaar ki sabjiyaan hoti hain. Isi tarah se humne kitni hi jmeeni bachaain, lekin jab maayaavati ki aalochna ki to usi dalit ne vote naheen diya. Bhool gaya ki usaki jameen ke liye sangharsh humne kiya tha. Jaati ne hamein hi naheen sabko kamzor kiya hai. Iske baad bataate hain ki jab banaaras ke bunakar aatmahatya kar rahe the tab koi dal saamane naheen aaya. Hamaare prayaas se banaaras ke bunakaron ki ginti hui aur unhein pehchaan patra mila aur jab vote dene ka vakt aaya to ve hamein bhoolakar hindu-musalmaan ho gaye. Prachaar tantr ne to raajaneeti ko aur kamzor kar diya hai.

Raveesh Ki Kalam Se Ladne Ke Liye Ladaai Ladaai Ladaai https://www.angrejinews.com/pic/49680