Raveesh Ki Kalam Se Ai Raaja Banaaras

Breaking »

Raveesh Ki Kalam Se  Ai Raaja Banaaras

Banaaras: roj dekha jaane vaala, kaha jaane vaala, suna jaane vaala likha jaane vaala aur in sabse oopar jeeya jaane vaala shahar hai. Iski itni paribhaashaaen aur vyanjanaaen hain ki yeh shahar har lafj ke saath kuchh aur ho jaata hai. Likhnevaale ki girft se nikal jaata hai. Main banaaras ke khilaaf kisi banaaras ko khojane nikla tha magar har jagah mila usi banaaras se jise media ne ek tourist guide ki tarah ekarekheeya vrutaant mein badal diya tha. Vrutaanton ka ras hai banaaras. daraasal, banaaras koi shahar hi naheen hai. Yeh kabhi tha na kabhi hai aur kabhi rahega. Shahar hota to kisi peris jaisa hota, kisi ludhiyaana-sa hota ya kisi Delhi-sa. Sadkon deevaaron se banaaras naheen hai. Banaaras hai banaaras ke maanas se. Aacharan, vichran aur dhaaran se. Jo bhi mila banaaras ko dhaaran kiye mila. Banaaraseepan. Iske bina to koi Baba vishvanaath ko dekh sakta hai na banaaras ko. Yeh banaaras ka hokar banaaras ko jeene ka shahar hai. Yeh na mera hai na tera hai na usaka hai, jo banaaras ka hai. bahut kam hua jab laut aane ke baad kisi shahar ki yaad I. Kisi shahar mein jaagane-sa ehsaas hua. Sochata raha ki kya likhoon banaaras par. Kya naheen likha ja chuka hai. Is shahar ke log kisi daastaan ki tarah milte hain. Kisson se itne bhare hain ki sunaate-sunaate khud kisi kisse mein badal jaate hain. Milne aur bolne ka aisa romaanch kaheen aur mahasoos naheen hua. Jo bhi mila use jitna milna chaahiye usase zyaada mila. Kam to koi mila hi naheen. Kam to ham Delhi vaale mile. Sochate rah gaye ki kitna mile aur saamane vaala poora milkar chala gaya. Banaaras ko khojana naheen padta hai. Kaheen bhi mil jaata hai. ham Baba thanthai ki dukaan par the. Unki shaan mein kseede padhte rahe ki har saal aapki thandai ek mitr se bujurg ke havaale se Delhi pahunch jaati hai. Pichhle kai saalon se aapki thandai pi raha hoon. Koi chaalees-pachaas saal se thandai bana rahe janaab ne oopar dekha tak naheen ki kaun hai kya bol raha hai. Bas kisi saadhana ki tarah thandai banaane mein lage rahe. Saadhana zaroori hai. Chaahe aap desh chalaaen ya thandai banaae. Magar vaheen khade kisi shakhs ne kisi ko bhejkar paan mangava diya. Lassi ki dukaan ka pata bata diya. Car se gujrate vakt paan aur chai ki dukaanon par logon ko jama dekha. Rukakar khaakar batiyaate dekha . Laga ki is shahar mein log daftar dukaan jaane ke alaava bhi ghar se nikalte hain. Subah-subah chai peene gaya tha. Bas kisi ne kisi ko kah diya ki baaik se inhein park tak chhod aao. Bina dekhe bina jaane usane chai chhodi aur park tak chhod aaya. Jinhein bhi jeevan mein baat karne ki samasya hai. Lagta hai ki vo tark naheen kar paate. Vo banaaras chale jaaen. Bolne lag jaaenge. Khaasakar TV ke ye bauraaye aur jhunjhalaaye enkaron ko har saal banaaras jaana chaahiye. radio mirchi ke daftar gaya tha. Naujavaan jaukiyon ke sansaar mein. Baat karne ki aisi shaili ki mera bas chale to har jauki banaaras ki sadkon se utha laaoon. Sabke paas kuchh na kuchh atirikt tha, mujhe dene ke liye. Aaj ke is daur mein unke paas bahut-si garmajoshiyaan bachi hui hain. Jaldi samajh gaya ki yeh TV mein dikhne ke kaaran naheen hai. Jo pyaar bah raha hai vo banaaras ke kaaran hai. Mirchi ke in miththuon se mera bhi dil lag gaya. Tote ki tarah bolata tha vo motoo! To shaant sanbhalakar amaan aur rah rahakar soni. Ek se ek kissaago. Baat-baat mein main vishaal ke saath live ho gaya. Unke kuchh aur doston se mulaakaat hui. Har mulaakaat mein main bas is shahar ke logon mein milne ki fitrat dekh raha tha. Kitna milte hain bhaai. Bhaaiyon ne meri shaan mein daftar ke bheetar chaat ka ek staal hi laga diya. Tamaatar ki chaat. Vaah. Delhi vaalon ko pata chal gaya to har nukkad aur baaraat mein bechakar khataara bana deinge. mujhe pata hai ki jitna mil jaata hai utana laayak naheen hoon. Vaise bhi kya karna hai hisaab kar. TV ke freb ke naam par pyaar hi to mil raha hai. Main maaya mein yakeen karta hoon. Sab maaya hai. Maaya milaati hai, maaya rulaati hai aur maaya hansaati hai. Ghadi ki dukaan mein straip badalavaane gaya tha. Janaab ne koi special joos mangava di. Kaha ki peete jaaiye. Jor dekar kaha ki main chaahata hoon ki aap peeyein. Ye banaaras ka asli hai. Mainne to kaha bhi naheen tha par vo yeh joos pilaakar kaafi khush dikhe. Itne khush ki laaj ke maare shukriya kehte na bana. vo pata naheen kaun ladka tha. Lanka chauk par jahaan BJP ka dharana chal raha tha. Bhayaanak garmi thi. Vo pehle joos laaya fir paarkar pen khreed laaya khud hi packet se nikaal kar jeb mein rakh gaya. Kisi channel ke frem mein dekhkar vo mahila apne pati aur beti ke saath daudi chali I. Haanf rahi thi. Vo ghar le jaakar khaana khilaana chaahati thi. Kaash main chala gaya hota. Aur vo kaun tha jo mirchi daftar ke baahar ham sabki chai ke paise dekar chala gaya. Aath das logon ki chai ke paise. Main sochata rah gaya ki humne kab kisi ajnabi ke liye aisa kiya hai. Uff! ajeeb shahar hai koi khaali haath milta hi naheen hai. Aisa naheen ki main TV vaala hoon isliye log mil rahe the. Mujhse milne ke baad vahaan maujood kisi se vaise hi mil rahe the. Ham Delhi vaale milna bhool gaye hain. Kaam se to milte hain, magar milne ke liye naheen milte hain. Roj daftar se lautate vakt khaali-sa lagta hoon. Ab to mera ekaant hi meri bheed hai. Main bhi to kaheen naheen jaata. Jaane kab se akela rahana achha lag gaya. Gneemat hai ki Facebook twitter hai. Jo bhi akele mein badbadaata hoon, likh deta hoon. Akele baithe baithaae duniya se mil aata hoon. Kaam aur shahar ke anushaasan ki keemat par mulaakaat ka band hona theek naheen. Ham milte to yaheen banaaras bana dete. Banaaras ek-doosare se milta hai isliye banaaras hai. Delhi ke naam mein to dil hai magar dil hai kahaan. Dillagi hai kahaan aur kahaan hai deewangi. Banaaras mein hai. Vahaan ke logon mein hai. Aap sabne mujhe behatareen yaadein di hain. Main banaaras ko yaad kar raha hoon.

Raveesh Ki Kalam Se Ai Raaja Banaaras https://www.angrejinews.com/pic/50551