Ratan Tata Ne Pradhaanamantri Manmohan Singh Ki Prashansa Ki

Breaking »

Ratan Tata Ne Pradhaanamantri Manmohan Singh Ki Prashansa Ki

Manmohan Singh ki file tasveer Manmohan Singh ki file tasveer Nai Delhi: tata samooh ke maanad adhyaksh ratan tata ne Budhvaar ko pradhaanamantri Manmohan Singh ki imaandaari ki prashansa karte hue kaha ki unke pehle kaaryakaal mein arthavyavastha ki vruddhi jordaar rahi, lekin doosare kaaryakaal mein unki sarkaar mahangaai ki taakaton ka shikaar ho gayi. ratan tata ne twitter par tippani ki, pradhaanamantri ke pehle paanch saal ke kaaryakaal mein bhaarateeya arthavyavastha mein prabhaavashaali vruddhi darj ki gayi, lekin doosare kaaryakaal mein sarkaar durbhaagyapoorn tareeke se mudraasfeetikaari shaktiyon ka shikaar ban gayi. Iske saath hi neetiyon par manamaane dhang se amal aur shoshan ke aaropon ke parinaamasvaroop nivesh gatividhiyon mein bhaari giraavat I. pradhaanamantri Manmohan Singh 17 May ko pad chhodeinge. Tata ne kaha hai, Dr Manmohan Singh 10 saal ke baad is saptaah pradhaanamantri kaaryaalaya chhodeinge. Unhonne poori garima se netrutv kiya aur uchch vyaktigat moolyon ka parichay diya. tata ne kaha ki desh ko Manmohan Singh ka abhivaadan karna chaahiye, jinhonne apne 10 saal ke kaaryakaal mein badi garima ke saath kaam kiya tatha apni imaandaari aur vinmrata ke liye vishv biraadaari ka sammaan arjit kiya.

Ratan Tata Ne Pradhaanamantri Manmohan Singh Ki Prashansa Ki https://www.angrejinews.com/pic/50619