Rasookhadaar Sangheeya Nyaayaadheesh Ke Pad Ke Liye Neomi Rao Ke Naam Ko Senate Ki Manjoori

World »

Rasookhadaar Sangheeya Nyaayaadheesh Ke Pad Ke Liye Neomi Rao Ke Naam Ko Senate Ki Manjoori

Washington, 14 March (bhaasha) ameriki senate ne desh ki sarvaadhik shaktishaali adaalaton mein se ek ''Deesi sarkit court of apeels'' ke nyaayaadheesh pad ke liye Bhaarat mool ki charchit ameriki vakeel neomi Rao ke naam par muhar laga di. yaun utpeedn par apne lekhon ki vajah se aalochna jhel chukeen 45 varsheeya neomi, vivaadit shakhsiyt bret kaavanaah ki jagah leingi. Ameriki senate ne Budhvaar ko neomi ke naam ko 46 ke mukaabale 53 maton se manjoori di. Yeh matadaan aamtaur par party ke rukh ke aadhaar par hota hai. ameriki raashtrapati donaald trump ne ameriki uchchatam nyaayaalaya ke liye pichhle saal kaavanaah ko naamit kiya tha jiske baad kuchh aise ghatnaakram hue ki kaavanaah vivaadon mein ghirte gaye. filhaal neomi prabandhan evam bajat kaaryaalaya mein 'Edaministretar of the office of infairmeshan end regyuletari afeyars' (oaaiaarae) ke pad par kaaryarat hain. Is pad par rahate hue unhonne niyman sudhaar mein aham bhoomika nibhaai. vipakshi democratic saansadon aur yahaan tak ki kuchh Republican saansadon ne neomi ka kada virodh kiya. Adhikaar samoohon ne unke khilaaf deshavyaapi abhiyaan bhi chalaaya tha. Is virodh ka kaaran yaun utpeedn tatha alpasankhyakon ke baare mein unka rukh tha. Rao ko na keval trump prashaasan mein apne kaam ke liye balki yel vishvavidyaalaya ki chhaatra ke roop mein dashakon pehle likhe lekhon ko lekar kade prashnon ka saamana karna pada hai. Unhonne apne lekhon mein mahilaaon ko balaatkaar se bachane ke liye apna vyavahaar badalne ka sujhaav diya tha. Haalaanki Rao ne apne lekhon ke liye pichhle maheene maafi maangi thi. kul 100 sadasyon waali ameriki senate mein Republican party ka varchasv hai. shapath lene ke baad ''Deesi sarkit court of apeels'' mein neomi doosari bhaarateeya ameriki hongi. Is adaalat ko ameriki uchchatam nyaayaalaya ke baad sabse mahatvapoorn maana jaata hai. vipakshi democratic party ka kehna hai ki neomi is pad ke liye manjoori ki paatr naheen hain.

Rasookhadaar Sangheeya Nyaayaadheesh Ke Pad Ke Liye Neomi Rao Ke Naam Ko Senate Ki Manjoori https://www.angrejinews.com/pic/261235