Rape Ke Aaropi Taxi Driver Ko Jail

India » Friday, April 26, 2013

enabeeti news . Hisaar : Mundan ke liye Gurgaon sthit sheetala mandir gaye haansi ke ek parivaar ki 3 bachchiyon ke saath balaatkaar karne ke maamale mein court ne aaropi taxi driver ko 14 din ki nyaayik hiraasat mein bhej diya. Balaatkaar ki yah vaaradaat 22 April ko hui thi. Bataaya ja raha hai ki somvaar ko hisaar jile ke haansi ka ek parivaar kiraae ki taxi se Gurgaon sthit sheetala mandir bachche ke mundan ke liye gaya tha. Aarop hai ki is dauraan taxi chaalak ne parivaar ki 3 bachchiyon ke saath balaatkaar kiya. Peedit bachchiyon ka pita rehadi lagaata hai. Gurgaon se lautane par bachchiyon ne parijanon ko bataaya ki taxi driver ne uske saath balaatkaar kiya. Iske baad 24 April ko parijan bachchiyon ko lekar haansi ke shahar thaana pahunche aur maamale ki shikaayat ki. Der raat police ne aaropi driver ko haansi ke umara rod se giraftaar kar liya. Bachchiyon ka haansi ke sarkaari aspataal mein medical karavaaya gaya.