Rape Ka Aaropi Software Engineer Poorv Premika Ko Goli Maarane Ki Koshish Mein Dharaaya

Breaking » Sunday, May 25, 2014

Police ki giraft mein aaropi amit jain Police ki giraft mein aaropi amit jain Mumbai: Mumbai ke Malad upanagareeya kshetr mein police ne ek software engineer ko pakada, jo kathit taur par apni poorv premika par ghaat lagaakar hamla karke use goli maarane ki taiyaari mein tha. Engineer ki poorv premika ne us par balaatkaar ka aarop lagaaya hai. police ne daava kiya ki usane amit jain (31) ko maarve rod kshetr mein giraftaar karke hamla hone se bacha liya. Police ne bataaya ki jain ko goregaanv police ne 2012 mein premika se balaatkaar karne ke aarop mein giraftaar kiya tha. Baad mein use jamaanat mil gayi. Vah badla lene ke prayaas mein tha. police ke anusaar jain peedita aur uske pita par hamle ki firaak mein tha, lekin use usase pehle hi giraftaar kar liya. Jain ne policekarmiyon par pistaul taan di, lekin unhonne us par kaaboo pa liya aur usase do desi pistaul, chaar maigajeen aur 20 goliyaan jabt keen, jo ki madhya pradesh se khareedi gayi theen. atirikt police aayukt brijesh Singh ne bataaya ki jain ladki ko maarana chaahata tha, kyonki usaka aarop hai ki usane us par balaatkaar ka aarop lagaakar usaka jeevan barbaad kar diya.