'Rape Case Mein Fansaae Gaye Logon Ke Liye Bane Punarvaas Neeti

Breaking »

'Rape Case Mein Fansaae Gaye Logon Ke Liye Bane Punarvaas Neeti

nai Delhi. . Rajdhani ke ek fast track court ne Budhvaar ko kaha ki sarkaar ko un logon ke punarvaas ke liye ek vyaapak neeti taiyaar karni chaahiye jinhein rape ke farji aaropon mein jail bheja gaya hai. Adishnal session judge Virendra bhatt ne Haryana ke subhaash ko saataveen class ki ladki ke apaharan aur rape maamale mein bari karne ka faisala sunaaya aur gruh aur kaanoon mantraalaya ke sachivon ke saath desh ke vidhi aayog ke pramukh ko is sujhaav par vichaar karne ko kaha. Unhonne kaha, court ko aisa lagta hai ki is tarah ke logon ke liye ek punarvaas neeti ki sakht jaroorat hai, jinhein rape ke farji aaropon mein kaid aur court mein mukadama jhelana pada. Court ne yah bhi kaha ki aise logon ko uchit muaavaja dena sarkaar ka kartavya hai taaki aaparaadhik gatividhiyon ki taraf inke rujhaan ko roka ja sake.

'Rape Case Mein Fansaae Gaye Logon Ke Liye Bane Punarvaas Neeti https://www.angrejinews.com/pic/5143