Rangadaari Na Dene Par Haindeekraaft Eksaportar Se Lootpaat

India » Tuesday, April 23, 2013

ek samvaadadaata . Sahaaranapur jile mein haindeekraaft ke ek bade eksaportar se rangadaari maangane ka maamala saamane aaya hai. Bataaya ja raha hai ki badmaashon ne uske kaarkhaane mein ghuskar dhamakaate hue prati maheene rangadaari dene ki maang ki hai. Is dauraan badmaashon ne vahaan se sone ki chen aur nagadi loot li, uske baad eksaportar baap-bete ko jaan se maarane ki dhamaki dete hue faraar ho gaye. Peedit eksaportar ne deeaaiji ko maamale ki shikaayat ki hai. Is maamale mein thaana kutubasher mein 2 logon ko naamajad karte hue lootpaat aur rangadaari ka mukadama darj karaaya gaya hai . Idagaah maarg sthit islaamiya degree college ke saamane afajaal Ahmad ka haindeekraaft ka kaarkhaana hai. Vahaan lakdi ke saamaan banaae jaate hain. Afajaal jile ke jaane-maane eksaportar mein se hain. Afajaal ne bataaya ki ek giroh kaafi samay se unase rangadaari maang raha hai. Shikaayat ke baavajood police ki or se koi kaarravaai naheen hui. Giroh ke logon ne unke kaarkhaane ke saamane unki baaik bhi chori kar li. Aarop hai ki vigat 24 March ki shaam nadeem colony nivaasi shaahi aur gaadoka chauk nivaasi isaraar apne saathiyon ke saath uske kaarkhaane mein ghus gaya aur vahaan aakar sone ki chen aur 55 sau rupaye loot liye. Is dauraan badmaashon ne unase 10 hajaar rupaye prati maheene rangadaari ki maang ki. Rangadaari na dene par baap-bete par rivaulvar taan diya gaya aur dhamaki dete hue faraar ho gaye. Deeaaiji ke nirdesh par thaana kutubasher police ne aaropiyon ke khilaaf loot aur rangadaari ka maamala darj kiya hai. Police aaropiyon ki talaash kar rahi hai.