Ram Mandir Ke Liye Teen Vikalpon Par Ho Raha Hai Manthan Keshav Prasaad Maurya

India »

Ram Mandir Ke Liye Teen Vikalpon Par Ho Raha Hai Manthan Keshav Prasaad Maurya

Ayodhya Uttar pradesh ke depyuti CM keshav prasaad maurya ne shanivaar ko kaha ki Ram mandir nirmaan ka mudda hamaari aastha se juda rahane ke saath-saath hamaara sankalp bhi hai. Keshav prasaad maurya ne kaha ki santon ki ichha ka poora sammaan karte hue ayodhya mein bhavya Ram mandir ka nirmaan jald hi karavaaya jaaega, iske liye teen vikalpon par manthan chal raha hai. Keshav ke mutaabik- ye teen vikalp is prakaar hain. Pehla- court ki madhyasthata committee ke jariye aapasi sahamati banaakar. Doosra- court ke faisale ke aadhaar par aur agar ye donon vikalp saarthak naheen nikle to sansad mein kaanoon banaakar. Keshav maurya ne kaha ki Ram mandir ke nirmaan mein koi sanshaya naheen hai, yeh avashya banega. Ram janmabhoomi nyaas ke adhyaksh mahant nrutya gopaal das ke 81vein janmadin par aayojit janmotsav mein hissa lene pahunche depyuti CM ne adhikaariyon aur party padaadhikaariyon se baithak karne ke baad patrakaaron se baatcheet mein kaha, 'Shivsena hamaari sahayogi party hai. Ram mandir par uske netaaon ka bhi saarthak sahayog is disha mein mil raha hai. Pradesh mein Loksabha chunaav mein party ki bhaari jeet ke baad Ram lala ke darshan aur santon se aashirvaad lene ke liye ayodhya aaya hoon. '

Ram Mandir Ke Liye Teen Vikalpon Par Ho Raha Hai Manthan Keshav Prasaad Maurya https://www.angrejinews.com/pic/281294