Ram Gopaal Varma Ne Badhaaya Karan Ki Taraf Dosti Ka Haath

Movies » Wednesday, February 20, 2013

Mumbai: Film nirmaata Ram gopaal varma ne apni aagaami film 'Di ataiks of 26/11' dekhne ka nimantran dekar karan jauhar ki or dosti ka haath badhaaya hai. Vah yahaan jald hi karan ke liye ek vishesh sho ki vyavastha kareinge. Varma ne kaha, 'Karan jauhar Bollywood mein pramukh film nimaartaaon mein se ek hain, iske alaava vah ek achhe dost bhi hain aur main unhein achhi tarah jaanta hoon. Bahut samay ke baad yah film mere liye santoshajanak rahi hai aur isliye main ise kuchh doston ko dikhaana chaahata tha. ' Donon film nirmaata twitter par ek doosare par chheentaakashi karte rahe hain. Dilchasp baat yah hai ki varma ne twitter par hi karan ko unki film dekhne ka nimantran diya hai. Saalon se donon filmkaar ek doosare ki film-nirmaan shaili par tippani karte aae hain lekin varma ne kaha, 'Meri karan ke saath kabhi koi samasya naheen rahi hai, ise media ne hi uchhaala hai. ' 'Di ataiks of 26/11' mein naana paatekar aur sanjeev jaayasavaal hain aur yah ek March ko release ho rahi hai.