Raksha Sahayog Ki Ummeed Mein Bhaarat Aaenge Karajai

India »

Raksha Sahayog Ki Ummeed Mein Bhaarat Aaenge Karajai

vishesh pratinidhi. Nai Delhi: Afghanistan ke raashtrapati haamid karajai agale hafte Bhaarat daure par aaenge. Vah 20 se 22 May tak yahaan raheinge. Karajai donon deshon ke beech raksha sahayog badhaane ke mudde par pradhaanamantri Manmohan Singh se charcha kareinge. Ullekhaneeya hai ki agale saal se Afghanistan se ameriki aguvaai waali antararaashtreeya fauj hat jaaegi. Iske baad Afghanistan ki sena ko hi suraksha ki jimmedaari sanbhaalani hogi. Iske maddenajar, Afghanistan sarkaar Bhaarat se raksha madad par baatcheet karegi. 'Bhaarat nibha sakta hai badi bhoomika' Afghanistan ke raajadoot shaida abdali ne kaha ki Afghanistan ke liye yah ek mahatvapoorn mod hai. Donon deshon ke saamane ek si chunautiyaan hain. Aise mein donon deshon ko mil kar inka saamana karna hoga. Raajadoot ke mutaabik, Bhaarat unke yahaan shaanti aur aarthik vikaas ke kshetr mein badi bhoomika nibha sakta hai. 'Bhaarat kare jyaada nivesh' raajadoot ne kaha ki Afghanistan ki suraksha mein Bhaarat ko adhik nivesh karna hoga. Yah Bhaarat ke hit mein bhi hoga, taaki aatankvaad ki chunautiyon ka saamana kiya ja sake. Yah poochhe jaane par ki vah Bhaarat se kis tarah ke raksha sahayog chaahate hain, raajadoot ne kaha ki donon deshone ke beech raksha saajhedaari mein ghaatak aur gair ghaatak hathiyaaron mein fark naheen kiya gaya hai, isliye ham Afghanistan ke suraksha balon ke liye Bhaarat se donon tarah ki sahaayata chaahate hain. 'Bhaarat, Pak, Afghanistan milkar ladein' raajadoot ne sujhaav diya ki Bhaarat, Afghanistan aur Pakistan apni chintaaon se nibatne ke liye milkar ek system bana sakte hain. Iske alaava, yuddh na karne ka tripksheeya samjhauta karne par bhi teenon desh vichaar kar sakte hain. Iran ke chaahabahaar bandargaah ko aur behtar banaane mein Bhaarat ki or se 10 karod dollar ki sahaayata dene ke faisale ka bhi raajadoot ne svaagat kiya. Is bandargaah ke jariye hi Bhaarat vibhinn tarah ki sahaayata saamagri Afghanistan bhejata hai.

Raksha Sahayog Ki Ummeed Mein Bhaarat Aaenge Karajai https://www.angrejinews.com/pic/8848