Raksha Kshetr Mein FDI Seema Badhaakar 100 Feesadi Karne Ki Kavaayad Report

Breaking »

Raksha Kshetr Mein FDI Seema Badhaakar 100 Feesadi Karne Ki Kavaayad  Report

Nai Delhi: ek aham neetigat pahal ke tahat sarkaar ne manjoori maarg ke jariye raksha kshetr mein FDI seema badhaakar 100 pratishat karne ka prastaav kiya hai. sootron ne PTI ko bataaya, vaanijya evam udyog mantraalaya ne antar-mantraalayi paraamarsh ke liye ek cabinet not jaari kiya hai. Raksha kshetr mein FDI seema maujooda 26 pratishat se badhaakar 100 pratishat karne ke prastaav ka uddeshya vinirmaan gatividhiyon mein teji laana hai. 15 pannon ke cabinet not ke mutaabik, FII sahit portfolio niveshakon ko keval 49 pratishat tak nivesh ki anumati hogi. Not mein aage kaha gaya hai ki ek videshi company ek ghareloo ikaai ka adhigrahan kar sakti hai, basharte vah atyaadhunik praudyogiki lekar aae. nai vaanijya evam udyog mantri nirmala seetaaraman dvaara is saptaah kaaryabhaar sambhaalne ke baad mantraalaya ka yeh pehla bada kadam hai. Sootron ne kaha ki raksha kshetr mein FDI ki anumati se raksha upakaranon ke liye aayaat bill ghataane aur vinirmaan kshetr mein teji laane va rojagaar srujan mein kaafi madad milegi.

Raksha Kshetr Mein FDI Seema Badhaakar 100 Feesadi Karne Ki Kavaayad Report https://www.angrejinews.com/pic/52211