Rajyasabha Rape Peediton Ka Naam Hataane Ka Aadesh

India »

Rajyasabha  Rape Peediton Ka Naam Hataane Ka Aadesh

vas . Nai Delhi : Gruh mantri susheel Kumar shinde shukravaar ko ek baar fir vivaadon mein ghirte najar aae. Unhonne Rajyasabha mein apne bayaan mein Maharashtra ke bhandaara jile ki teen rape peedit bahanon ke naam le liye. Teenon ki rape ke baad hatya kar di gayi thi. Shinde dvaara naam lene par neta vipaksh arun jetali ne is or dhyaan dilaate hue kaha ki Supreme court ke nirdeshon ke mutaabik is tarah ke keson mein peediton ki pehchaan jaahir naheen ki jaati. Unhonne kaha aisa lagta hai ki chook ho gayi hai aur bachchiyon ke naam le liye gaye. Jetali ne kaha ki gruh mantri ko apna bayaan vaapas le lena chaahiye aur naya bayaan sadan ke patal par rakhana chaahiye. Is par upasabhaapati pi. J. Kuriyan ne kaha ki neta pratipaksh ne mahatvapoorn mudda uthaaya hai. Peediton ke naamon ka khulaasa naheen hona chaahiye. Unhonne naamon ko kaaryavaahi se hataane ka nirdesh diya. CBI jaanch naheen : Shinde nee kaha ki bhandaara jile ki yah ghatna bahut gambhir hai. Baavajood iske, kendra is maamale mein CBI jaanch ka aadesh naheen day sakta, kyonki yah raajya sarkaar ke adhikaar kshetr mein aata hai. Vahaan ki sarkaar apne star par is case ki jaanch kar rahi hai

Rajyasabha Rape Peediton Ka Naam Hataane Ka Aadesh https://www.angrejinews.com/pic/3287