Rajyasabha Mein Bhi Naheen Ho Paaya Kaamkaaj

India »

Rajyasabha Mein Bhi Naheen Ho Paaya Kaamkaaj

vas . Nai Delhi : Koyala blauk aavantan maamale mein CBI ki report ko lekar hue hangaame ki vajah se mangalvaar ko bhi Rajyasabha mein khaasa hangaama huaa. Sadan ki kaaryavaahi do baar ke sthagan ke baad poore din ke liye sthagit kar di gayi. Is vajah se rape ke mudde par somvaar ko shuroo hui charcha aage naheen badh paai. Subah kaaryavaahi shuroo hone par BJP aur uske sahayogi dalon ne koyala blauk maamale mein CBI ki report mein sarkaar ki kathit dakhalandaaji ka mudda uthaaya. Ve pradhaanamantri ke isteefe aur kaanoon mantri ko barkhaast karne ki maang kar rahe the. Isi dauraan Trinamool Congress ke sadasya bhi pashchim Bengal ko paisa dene ki maang karte hue poster laharaane lage. BSP, shivsena, teedeepi aur jedi (you) ke sadasya bhi alag-alag mudde uthaate najar aae. Hangaama na thamane par sadan ki kaaryavaahi 12 baje tak ke liye sthagit kar di gayi. Dobaara baithak shuroo hone par bhi haalaat mein tabdeeli na aane ki vajah se sadan ki baithak do baje tak aur fir poore din ke liye sthagit kar di gayi.

Rajyasabha Mein Bhi Naheen Ho Paaya Kaamkaaj https://www.angrejinews.com/pic/6595