Rajnath Singh Party Ka Sanchaalan Jaari Rakheinge Nitin Gadkari

Breaking »

Rajnath Singh Party Ka Sanchaalan Jaari Rakheinge  Nitin Gadkari

File photo File photo Nai Delhi: bhaajapa neta nitin gadkari ne in atkalon ko galat bataaya hai ki vah ek baar fir party pramukh banana chaahate hain aur kaha ki dal ke adhyaksh pad ke liye koi parivartan naheen ho raha hai. kathit aniyamitataon ke aaropon ke chalte achaanak bhaajapa adhyaksh pad se hatne ko baadhya hue gadkari ne is pad par khud ke pun: Aaseen hone ki sambhaavnaaon ko khaarij karte hue kaha ki Loksabha chunaav ki prakriya poori ho jaane ke baad bhi Rajnath Singh adhyaksh bane raheinge. Gadkari ko haal hi mein aay kar vibhaag ne clean chit di hai. unke anusaar, 'Naheen. . Is tarah ka koi vaayada mujhse kisi ne naheen kiya tha. Main iski ummeed naheen kar raha hoon. Meri jo bhi bhoomika hogi, use party tay karegi. ' poorv adhyaksh ne spashteekaran diya ki unhonne kabhi koi maang naheen ki aur unka maanana hai ki raajaneeti saamaajik-aarthik sudhaar ka saadhan hai. unhonne kaha ki Rajnath Singh aur Narendra Modi ke netrutv mein party sarkaar banaane ke liye kaam karegi aur netrutv mein parivartan ka prashn hi naheen uthata hai. yeh poochhe jaane par ki kisko kya bhoomika di ja sakti hai aur kya Lal Krishna Advani speaker honge, gadkari ne kaha ki atal bihaari Vajpayee aur Advani party ke sansthaapak hain. unhonne kaha, 'Ve (Vajpayee aur Advani) ham sabke liye prerak aur prerana hain. Uchit samay par ham unase charcha kareinge aur party antim nirnaya karegi. ' gathabandhan ke baare mein poochhe jaane par gadkari ne kaha ki raajag ko bahumat milega, lekin tababhi party ke darvaaje un sabke liye khule hain jo usamein shaamil hona chaahate hain. bhaajapa neta ne kaha, 'Savaal bahumat ya alpamat ka naheen hai. Jo bhi hamaare saath aana chaahega ham use saath leinge. . . Hamaara vyaapak drushtikon hai. Hamaara dal kisi pita-putr ya maata-putr ka naheen hai. Hamaari party lokataantrik hai aur mil baith kar charcha ke dvaara nirnaya karti hai. '

Rajnath Singh Party Ka Sanchaalan Jaari Rakheinge Nitin Gadkari https://www.angrejinews.com/pic/50553