Rajnath Singh Ne Navajot Singh Siddhoo Ko Phone Kar Bulaaya

Breaking »

Rajnath Singh Ne Navajot Singh Siddhoo Ko Phone Kar Bulaaya

nai Delhi. . BJP mein apni upeksha se naaraaj chal rahe cricketer se neta bane navajot Singh siddhoo ko Rajnath Singh ne phone kiya hai. Siddhoo ki patni ne guruvaar ko kaha tha ki unke pati BJP chhod sakte hain. Shukravaar ko is mudde par Rajnath Singh ne unhein phone kiya aur kaha ki koi bhi bada nirnaya lene se pehle vah party se sampark karein. Navajot Singh siddhoo BJP ke sadasya hain aur vah amrutasar se saansad hain. Amrutasar se vah BJP ke tikt par hi chunaav ladte hain. Guruvaar ko unki patni navajot Kaur ne kaha tha ki siddhoo ka raajaneeti mein dam ghut raha hai. Vah agali baar amrutasar se chunaav naheen ladeinge kyonki aisi sthiti bana di gayi hai ki logon ke liye bhi kuchh naheen kar pa rahe hain. Unhonne yah bhi kaha tha ki BJP mein siddhoo lagaataar upeksha ke shikaar ban rahe hain. Yahaan ki lokal team mein bhi inhein paryaapt tavajjon naheen diya ja raha hai. Iske baad se siddhoo ko lekar BJP mein halachal tej ho gayi thi. Aisa lag raha tha ki siddhoo jald hi party chhodne ki ghoshana kar sakte hain. Lekin ise siddhoo ki us rananeeti ka hissa maana ja raha hai jisse party par dabaav banaaya ja sake. Haalaanki Kaur ne kaha tha ki mainne Facebook par jo kuchh bhi likha vah mere dimaag se naheen balki tahedil se nikla tha. Ismein kisi tarah ki raajaneeti ya kapat naheen hai. Siddhoo ki patni ki tippaniyaan isliye aham hain kyonki isse poorv cricketer ke raajaneeti mein bane rahane par savaaliya nishaan lag jaaega.

Rajnath Singh Ne Navajot Singh Siddhoo Ko Phone Kar Bulaaya https://www.angrejinews.com/pic/5339