Rajnath Ki Nai Team

India »

Rajnath Ki Nai Team

haal ke barso mein yah shaayad pehla aisa mauka hai jab BJP ke kisi adhyaksh ne apni team ke gathan mein itne bade star par badlaav kiye hon. Choonki focus agale Loksabha chunaav par hai, shaayad isi vajah se apekshaakrut yuva logon ko tarajeeh di gayi hai. 12 upaadhyakshon mein se das nae hain, to das mahaasachivon mein se chaar nae hain. 15 sachivon mein se lagbhag 10 sachiv nae hain. Is tarah se maana ja raha hai ki lagbhag 70 feesadi aise chehare hain, jo pehli baar team mein aae hain ya fir unhein nae pad diye gaye hain. Lekin inmein se kai chehare aise hain, jinhein pad dene ke peechhe party ki chunaavi rananeeti hai. Party sambhavat: Alag-alag vargon mein in netaaon ka istemaal karna chaahati hai taaki party ka janaadhaar badhe. Sadaanand gauda : Bi. S. Yediyurappa ko hataane ke baad sadaanand gauda ko Karnataka ka mukhyamantri banaaya gaya tha. Isse pehle vah saansad the. Ab choonki Karnataka mein vidhaanasabha chunaav hone ja rahe hain. Isi vajah se gauda ko upaadhyaksh banaakar Karnataka mein voteron ko sandesh dene ki koshish ki gayi hai. Party ko lagta hai ki yediyurappa ke jaane se hue nuksaan ki bharpaai ho sakegi. Uma bhaarati : Tej tarraar neta ka faayda bhale hi UP vidhaanasabha chunaav mein party na utha saki ho, lekin party ko lagta hai ki behatareen vakta hone aur saadhu santo ki lokapriya is neta ka agale Loksabha chunaav mein istemaal kiya ja sakta hai. Party netaaon ka yah bhi maanana hai ki Congress ke hamlon ka javaab dene mein bhi uma bhaarati ka javaab naheen. Varun Gandhi : UP mein to khair varun ka istemaal hoga hi, lekin unhein laane ki ek vajah yuvaaon ko aakarshit karna bhi hai. Smruti Irani : Lokapriya TV star smruti Irani gruhiniyon mein khaasi lokapriya hain. Ab tak mahila morcha ki adhyaksh theen lekin ab unhein upaadhyaksh banaakar sangathan mein aage laane ki taiyaari hai. Party chaahati hai ki inke jariye mahila voteron ko bhi aakarshit kiya jaae. Prabhaat jha : Mool roop se Bihar se aane ke baavajood madhya pradesh mein kaamayaab hone vaale prabhaat jha kuchh maheene pehle tak madhya pradesh BJP ke adhyaksh the. Unke jariye party ke androoni sameekaranon ko baileins karne ki koshish to ki hi gayi hai, saath hi is saal madhya pradesh vidhaanasabha ke chunaav bhi hone hain, isliye unhein laana mahatvapoorn hai. Dr . Si . Pi . Thaakur : Bihar raajya BJP adhyaksh pad ko lekar Dr . Thaakur ki naaraajagi kisi se chhipi naheen hai. Unhein susheel Modi ki anti team ka maana jaata hai. Bihar mein JDU ke saath sameekaranon ko dekhte hue aur raajya adhyaksh ke chunaav ke vakt unki naaraajagi ko dekhte hue unhein upaadhyaksh banaaya gaya hai.

Rajnath Ki Nai Team https://www.angrejinews.com/pic/4025