Rajiv Gandhi Ke Hatyaaron Ko Faansi Na Dein Poorv Nyaayaadheesh

Breaking » Sunday, February 24, 2013

Kottayam: Rajiv Gandhi ke hatyaaron ko mrutyudand sunaane waali adaalat ki ek peeth ke adhyaksh Katie Thomas ne ravivaar ko kaha ki is maamale ke chaar doshiyon ko faansi naheen di jaani chaahiye. Thomas ne kaha ki doshi murugan, santhan aur peraarivlan jail mein 22 varsh bita chuke hain, isliye unhein faansi dene ka matlab hoga ek hi aparaadh ke liye do baar saja dena. Teenon kaidi Tamil Nadu ke vellor jail mein kaid hain. Thomas ne yahaan patrakaaron se kaha, "Jail mein 22 varsh bitaane ke baad yadi doshiyon ko maut ki saja di jaati hai, to yah ek tarah se ek hi aparaadh ke liye do baar saja dene ke baraabar hoga. Yah samvidhaan ke viruddh hai. " unhonne raashtrapati Pranab mukharji se in doshiyon ki daya yaachika radd karne ke nirnaya par fir se vichaar karne ki guhaar lagaai. Thomas ne kaha, "Raashtrapati ko is par punarvichaar karna chaahiye, kyonki teenon aajeevan kaaraavaas ki saja se adhik din saja bhugat chuke hain. " Varsh 1999 mein sarvochch nyaayaalaya ki teen nyaayadheeshon ki peeth ne murugan, santhan, peraarivlan aur murugan ki patni nalini ko mrutyudand sunaaya tha. Peeth mein nyaayaadheesh Thomas, nyaayamoorti DP vaadhava aur nyaayamoorti esaesaem kaadari shaamil the. Thomas ne nalini ko mrutyudand sunaae jaane par asahamati jataai thi. Baad mein raashtrapati pratibha Patil ne naalini ki daya yaachika manjoor kar li thi aur usaki saja ko aajeevan kaaraavaas mein tabdeel kar diya gaya tha. Peraarivlan aur murugan bhaarateeya hain, vaheen santhan shreelankaai naagrik hai. Tamil tiger ke mahila aatmaghaati daste ne 21 May 1991 ko chennai ke nikat ek chunaavi rally mein Rajiv Gandhi ki hatya kar di thi. Chaaron abhiyukton par hatya mein sahaayata karne ka aarop lagaaya gaya hai. Rajiv hatyaakaand mein tamil tiger pramukh velupillai prabhaakaran bhi vaanchhit tha, jise 2009 mein Sri Lanka mein maara gaya.