Rajiv Gandhi Ke Hatyaare Ne RTI Mein Poochha, Kyon Radd Hui Meri Yaachika

Breaking »

Rajiv Gandhi Ke Hatyaare Ne RTI Mein Poochha, Kyon Radd Hui Meri Yaachika

chennai. . Rajiv Gandhi ki hatyaakaand mein maut ki saja paae eji peraareevalan ne RTI ke jariye jaankaari maangi hai ki poorv raashtrapati pratibha Patil ne usaki daya yaachika kyon thukara di thi. Peraareevalan ne raashtrapati bhavan aur gruh mantraalaya se is baare mein javaab maanga hai. Ab is silsile mein central infarmeshan commissioner satyaanand mishra aaj vidiyo kaunfreinsing ke jariye peraareevalan se baat kareinge. 42 saal ke peraareevalan ne RTI daakhil karke gruh mantraalaya se poochha hai ki kis aadhaar par usaki daya yaachika ko thukaraaya gaya. Vah jaanana chaahata hai ki aisi kaun si vajahein aur tathya rahe, jinke aadhaar par hom ministri ne daya yaachika ko sveekaar na karte hue khaarij kar diya. Poorv raashtrapati pratibha Patil ne August, 2011 mein peraareevalan ki daya yaachika ko asveekaar kar diya tha. August 2011 ke baad se peraareevalan ne gruh mantraalaya ko kai baar chitthi likhi aur savaal poochhe. Usane poochha ki raashtrapati ne kin baaton ko aadhaar maanate hue use raham ke laayak naheen samjha, lekin in yaachikaaon ko adhikaariyon ne blauk kar diya. Aise mein peraareevalan ne 3 maheene pehle cheef infarmeshan commissioner ko letar bheja aur RTI ke tahat yah jaankaari maangi. Peraareevalan ke vakeel Rajiv rufus ne bataaya, 'Peraareevalan ne cheef infarmeshan commissioner ko bheji appeal mein likha ki hom ministri ke ofishl bhi maanate hain ki Rajiv Gandhi hatyaakaand mein meri bhoomika ki sahi se jaanch naheen ki gayi. Aise mein main jaanana chaahata hoon ki meri daya yaachika ko kis aadhaar par thukaraaya gaya. ' central infarmeshan kamishn ke ofishls ke mutaabik yah pehla mauka hai, jab CIC maut ki saja paae kisi kaidi ke saath is tarah ki sunavaai kareinge. Jail ofishls ne central infarmeshan commissioner ki taraf se notification milne ke baad vidiyo kaunfreinsing ke intajaam poore kar liye hain. Right tu infarmeshan ke tahat ab 30 din ke andar peraareevalan ko uske savaalon ka javaab diya jaana hoga. 21 May, 1991 ko poorv pradhaanamantri Rajiv Gandhi ki hatya ke maamale mein court ne saal 1999 mein 3 logon-peraareevalan, murgan aur santhaan ko faansi ki saja sunaai thi. Peraareevalan ko Rajiv Gandhi ki hatya ki saajish mein shaamil rahane ka doshi maana gaya hai. Peraareevalan par aarop tha ki usane mukhya saajishkarta sivaaraasan ko 9 volt ki baitari laakar di thi, jo bam mein istemaal ki gayi thi. Jis vakt peraareevalan ko is case mein arest kiya gaya tha, us vakt usaki umr 20 saal thi.

Rajiv Gandhi Ke Hatyaare Ne RTI Mein Poochha, Kyon Radd Hui Meri Yaachika https://www.angrejinews.com/pic/5541