Rajdhani, Shataabdi Mein Automatic Darvaaje, Dispojebal Bedarol Pesh Karne Ki Yojana

Breaking »

Rajdhani, Shataabdi Mein Automatic Darvaaje, Dispojebal Bedarol Pesh Karne Ki Yojana

Nai Delhi: agale saptaah pesh kiye jaane vaale varsh 2014-15 ke rel bajat mein sarkaar kuchh nae prastaavon ke saath rajdhani trainon mein ek upayog ke baad feink di jaane waali chaadarein, gilaaf aadi pesh karne tatha shataabdi mein svachaalit darvaaje aur yaatri dibbon mein aag par kaaboo paane waali pranaali sthaapit karne ki ghoshana kar sakti hai. NDA sarkaar 8 July ko apna pehla rel bajat pesh karne waali hai. Is rel bajat mein uchch kshamata vaale dugdh vain ke vinirmaan aur namak dhulaai ke halke dabbon ke nirmaan ka bhi jikr ho sakta hai. Vinirmaan kshetr ki maang ke maddenajar railway jyaada ispaat ke parivhan ke liye aur adhik kshamata ke vaiganon ke vinirmaan ki bajateeya yojana ko antim svaroop de rahi hai. in vaiganon mein 3,994 tan bhaar tak ki ispaat ki dhulaai ki ja sakti hai. Filhaal aise vaiganon ki dhulaai kshamata 2346 tan hai. Paarsal gatividhiyon se jyaada raajasv praapt karne ke liye rel bajat mein uchch kshamata vaale paarsal vain ke vikaas ke praavadhaan ka jikr ho sakta hai. Sootron ke mutaabik rel mantri sadaanand gauda apne pehle rel bajat mein savaariyon ko behtar suvidhaaen pahunchaane aur relagaadi mein suraksha vyavastha majaboot karne par dhyaan de sakte hain. railgaadiyon mein behtar suvidhaaen muhaiya karaane aur saaf-safaai ke liye railway ne Bengaluru rajdhani express mein dispojebal bedarol muhaiya karne sambandhi ek pilot pariyojana shuroo karne ka faisala kiya gaya hai. Rajdhani ke yaatriyon ko muhaiya karaae jaane vaale chaadar-gilaaf ki gunavatta ke sambandh mein kuchh shikaayatein mili theen. sootron ne bataaya, isliye bagair pauliyestar reshe ke chaadar-gilaaf muhaiya karaane ka faisala kiya hai, jise upayog ke baad feinka ja sakta hai. Iska upayog Bengaluru rajdhani mein praayogik taur par kiya jaaega aur baad mein yaatriyon ki pratikriya ke baad anya rajdhani trainon mein ise apnaane ka faisala kiya ja sakta hai. railway shataabdi ke dibbon mein svachaalit darvaaje lagaane ki pariyojana bhi shuroo karegi, taaki suraksha ka intajaam pukhta ho. Yojana ke mutaabik upanagareeya seva se judi iemayoo train mein bhi svachaalit darvaaje lagaae jaaenge. Dairy utpaadon aur dugdh utpaadon ke liye badhti maang ko dhyaan mein rakhakar railway ne apekshaakrut adhik kshamata vaale dugdh vain ke vikaas ka prastaav kiya hai, taaki 44,600 liter doodh ka vahan kiya ja sake, jabki maujooda vain ki kshamata 40,000 liter hai.

Rajdhani, Shataabdi Mein Automatic Darvaaje, Dispojebal Bedarol Pesh Karne Ki Yojana https://www.angrejinews.com/pic/55786