Railway Station Se 7 Laavaaris Bachche Mile

India »

Railway Station Se 7 Laavaaris Bachche Mile

vishesh samvaadadaata. Lucknow : GRP ne chaarabaag railway station mein laavaaris ghoomate hue 7 bachchon ko custody mein liya hai. Baad mein sabhi bachchon ko 'Ehsaas' naamak sanstha ke havaale kar diya gaya. Pakade gaye bachchon mein 5 Nepal ke hain, jabki 2 bachche baaraabanki ke rahane vaale hai. In bachchon ki umr 10 se 15 saal ke beech hai. GRP ke anusaar bachche bhaagane ke uddeshya se train mein baithakar Lucknow aae the aur station par ghoom rahe the. GRP ne likhit roop se in laavaaris bachchon ko 'Ehsaas' naamak sanstha ke havaale kar diya hai. Yah sanstha bachchon ko sanrakshan dene ke alaava unke pate-thikaane ke baare mein bhi jaankaari jutaati hai. Pakade gaye bachchon mein se ek ke parijanon ko soochana day di gayi hai. Jald hi sabhi bachchon ko unke ghar vaalon ke havaale kiya jaaega.

Railway Station Se 7 Laavaaris Bachche Mile https://www.angrejinews.com/pic/5307