Railway Rishvat Kaand Mahesh Kumar Ko Teen Din Ki CBI Remand

Breaking »

Railway Rishvat Kaand Mahesh Kumar Ko Teen Din Ki CBI Remand

nai Delhi. . Delhi ki special court ne 10 karod rupaye ke rishvat kaand mein giraftaar railway board ke sadasya mahesh Kumar ko teen din ke liye CBI remand mein bhej diya. Is maamale mein rel mantri pavan Kumar bansal ka bhaanja bhi aaropi hai. Mahesh ko CBI ke special judge svarnakaant sharma ke saamane pesh kiya gaya. Jaanch agency ne judge se kaha ki mahesh Kumar is maamale mein mukhya aaropi hai aur is poori saajish ka pardaafaash karne ke liye usase hiraasat mein poochhataachh ki jaroorat hai. Iske baad adaalat ne aaropi ko nau May tak ke liye CBI ki hiraasat mein bhej diya. Isse pehle, CBI ne Kumar ki paanch din ki police hiraasat ka anurodh karte hue kaha tha ki vah is maamale mein saare bandobast karne vaalon mein se ek hai. CBI ne rishvat kaand mein kathit bhoomikaaon ko lekar Kumar ke alaava bansal ke bhaanje vijay singala aur saat anya ko giraftaar kiya hai. CBI ke abhiyojak Akshay Gautam ne adaalat se kaha ki jaanch shuruaati star par hai aur mahesh Kumar spasht javaab naheen day rahe hain aur vah sahayog naheen kar rahe hain. Unhonne kaha ki mahesh Kumar poochhe ja rahe savaalon ke uchit javaab naheen day rahe hain. CBI ne kaha ki unhein is maamale mein do anya logon ko giraftaar karna hai. Kumar ko Mumbai se giraftaar kiya gaya tha aur unhein yahaan traanjit remand par laaya gaya. Western railway ke jeeem Kumar haal mein railway board ke sadasya (staaf) pad par aaseen hue the aur vah sadasya (ilektrikl) ka pad haasil karne ka kathit roop se prayaas kar rahe the.

Railway Rishvat Kaand Mahesh Kumar Ko Teen Din Ki CBI Remand https://www.angrejinews.com/pic/7856